Zefania 3:2 - KITABU KITAKATIFU

² Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Zefania 3:2 Iomraidhean Croise

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Zaburi 10:4

Mundu muchamu siahendera Yahova mwoyo mba; mu liegingira lilie, umudamanu aganagana ndi, “Nyasaye siaveeye ho.”

Zaburi 50:17

Munyi mwavura kuhulira amigizu gange, kandi mwasuura amalago gange.

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Zaburi 78:22

kigira sivali nilisuvira muye mba kandi sivasuuvira ndi alavahonyia ligali mba.

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 5:12

na ulavoola, “Kigira ki niimbura kwiga? Kigira ki niimbura koleka mundu angelihizi?

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 43:22

Yahova avoora, “Navuzwa munyi avandu va Isiraeli mwaluhizwa ninzi; simwasigamira mba.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Jeremia 13:25

Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 35:13

zia ovoolere avandu vi Ivuyuda na Jerusalemi, “Inzi Yahova ndeva munyi, kigira ki mwasuura kumbulira kandi nukutia amalago gange?

Jeremia 35:17

Kunangwa kalunu, Inzi, Yahova Wuvunyali, Nyasaye wa Isiraeli, ndaleta ku munyi avandu vi Ivuyuda na Jerusalemi lidiviza liosi liandalaga. Ndakora yaga kigira simuhuliyi lwa molomi ku munyi, kandi simwali munyala kuhaana mativuli lwa ndaamulanga mba.”

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Ezekieli 22:24

Yavoola, “Mwana wu Mundu, ovolere avandu va Isiraeli ndi si vaveeye avatakatifu mba, kulwayago ndavaha mageri mu vutima vwange.

Ezekieli 24:13

Munyi avandu va Jerusalemi, vikolwa vienyu vidamanu vimali kumwonogonyia. Kali niiva ndaageriza kumukola muve avanifu, navuzwa simwenya kuva avanifu mba. Munyi simulava avanifu kandi mba, kuduuka lwa nambane amageri gange amalulu ku munyi.

Zefania 1:6

Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.