Zefania 3:19 - KITABU KITAKATIFU

¹⁹ Ing'inga yiza! Ndakahaane amageri ku vandu vamudambizaa. Ndakasole avalema vosi, kandi ndakilanyie avahambe vosi yengo. Ndakagilung'anye zisoni ziavo kuva luyali, kandi avandu vosi mu kivala valakavizominyi

Zefania 3:19 Iomraidhean Croise

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 60:18

Mwoyo gwa vikilage sigulahulika mu kivala chiinyu kandi mba. Lidiviza anoho kwononyia si vilavaho mu kivala chiinyu kandi mba. Ndamukinga kandi ndamusoola kuli lidigi, mulahaana lizominya ku inzi kigira mali kumuhonyia.

Isaya 61:7

Zisoni zienyu ziduuki ku keheri. Munyi namumenye mukivala chiinyu aveene, kandi uvuhinda vwinyu vulamedeka; kandi mulava nu vusangali mihiga ni mihiga.

Isaya 62:7

Mutahaana vwiyangu ku Yahova kuduuka asingirize lidaala linene lia Jerusalemi kandi alilombe live lidaala lizominywa mu kivala choosi.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Jeremia 31:8

Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Jeremia 46:28

Inzi nanzizi kumunyi kandi naamuhonyie. Inzi nandivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha amageri nambe nilikalaga lirungi. Inzi, Yahova mali kovora.”

Ezekieli 16:27

“Kalunu ndamuha mageri kandi ndavugura kedonye chiinyu chuvugasu vwange. Inzi mali kumuviika ku vandu va Filisitia, avavihilirwa munyi kandi vavihilirangwa ni vikolwa vienyu viu muviri.

Ezekieli 16:57

kandi inyima wi zimbi ziamwali nimwakola nizikikiri kulang'aminywa? Kalunu muveeye vuzwa kuli yavo; kehenyahenye ku vandu va Edomu, avandu va Filisitia, kandi navatende vinyu vandi ava muvihilira.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 39:13

Avandu vosi mu kivala valakakonyane kuyavira miviri yiji, kandi valakahevwe luyali kulikola yaga ku lidiku Lieliguuta liange! Inzi Yahova Wuvunyali mali kovora.

Ezekieli 39:26

Lwa navave nivamenyi mu mirembe kandi mu kivala chavo, vugira mundu kuvatihiza, naviviliri kuli vaali mu zisoni kandi uvudamanu vwa vaangolera.

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Zefania 3:15

Yahova umali koheriza kuhaana mageri ku munyi kandi umali kutuliza ho avasigu vinyu vosi. Yahova, mwami wa Isiraeli aveeye harara ni munyi; si mulava nu vuti kandi mba.

Zekaria 8:23

Mu madiku yago, vasaza 10 kutura muvivala vigeni valakaze ku Muyuda mulala no kovora, ‘Kwenya komenye harara na vandu vovo, kigira kumali kuhulira ndi Nyasaye aveeye harara nimunyi.’ ”

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Vahebraina 12:13

Muzizagiliri kogenda kuzinzira zinungi, kunangwa kerenge chaalema kivuli kufogoya, navuzwa mu vogono yivwo kehonywe.

Likunula 20:9

Vaasalana mu lirova liosi kandi nivakumbiriza amadara ga vandu va Nyasaye ni lidaala lia yayanza. Navuzwa umuliru gwatura mwigulu niguvadiviza.

Vakalagi 1:7

Adonibezeki yavoola, “Avami sabwini ni vatemeeywi videte viavo vinene, ni vino viavo vinene vamali kolola madanye isi wemesa yange; Nyasaye umali kongolera aga ndavakolera.” Vamuhira Jerusalemi ma nakuzira yo.