Zefania 3:17 - KITABU KITAKATIFU

¹⁷ Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Zefania 3:17 Iomraidhean Croise

Litanga 1:31

Nyasaye yahenza ku vindu viosi via yaali nalombi, na yalora viali vilahi ligali. Na mugolova gwavita nu mugamba nigwaduuka. Yili liali lidiku lia sita.

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

Litanga 2:2

Ku lidiku lia saba Nyasaye yamala miyinzi ja yaali naakori, ma na yasosa.

Zaburi 147:11

Navuzwa ayanziliraa yavo avamuhezaa luyali, kandi mu yavo avasuuviraa mu vuyanzi vwivwe vwa kazozo.

Zaburi 149:4

Yahova ayaanzizwa na vandu veve. Ahaanaa uluyali ku vahocha kigira liguuta liavo.

Zaburi 78:65

Mu limalirika Yahova yavuka kuli utulaa mu zindoolo. Yaali kuli mundu wizingulu uhanzuka kigira iwaini ya yaali nanweye.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 18:4

Yahova yambolera, “Ndahenza galaha kutura mwigulu kuli iliime lielomba machiriri mu vudiku vwu luya mu ing'inga yo kogesa, kandi kuli iliuva liaka mu ing'inga ya mbasu.

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 32:41

Ndasangara kuvakolera vulahi, kandi ndavaviika mu kivala yiki mu vusuuvirifu, nu mwoyo gwange gwosi kandi ni liiva liange liosi.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Joeli 2:21

“Milimi, mutatia mba, navuzwa musangare kandi muyanze kigira goosi aga Yahova amali kumukolera.

Zefania 3:15

Yahova umali koheriza kuhaana mageri ku munyi kandi umali kutuliza ho avasigu vinyu vosi. Yahova, mwami wa Isiraeli aveeye harara ni munyi; si mulava nu vuti kandi mba.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Livalidza 14:8

Niiva kulayaanziza Yahova alakuhila wene yeyo, alahaana kivala yiki ku kunyi, ekeveeye kigunamu kandi kenoru.

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 15:11

“Mali kumuvolera yaga kunangwa uvusangari vwange vuduuki kuva mu munyi, kandi uvusangari vwinyu vuduuki kwizura du.

Kwidzulitsa 23:15

“Niiva mutugwa yirukiyi ku ivi nu kwehonyia kutura ku uwamutuga, utamwilanyia ku munene weve mba.

Kwidzulitsa 30:9

Yahova alamugasiza mu viosi viamukoraa ku lwivulu lwi zinda zienyu, kandi lwivulu lwi mitugu jinyu kandi liama linyingi lie milimi jinyu; alava nuvusangali nu kumugaasiza kuli yagasiza avaguuga vinyu.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.