Zefania 3:16 - KITABU KITAKATIFU

¹⁶ Ing'inga yiza navoolere avandu va Jerusalemi ndi, “Mutava nu vuti mba, lidaala lia Ziyoni! Makono ginyu gatadedekera mba!

Zefania 3:16 Iomraidhean Croise

Ayubu 4:3

Ivi wamala kwigiza nukudinyiriza vandu vanyingi, nukuhaana zinguru ku vandu vadedekere.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 40:9

O, Munyi avandu va Jerusalemi, mwanigiri kuzia ku kiguru kitambi na mulandizi Likuva lilahi! Munyi avandu va Ziyoni, mulandizi nu mwoyo munene likuva lilahi! Mulandizi na mutatia mba, muvoolere avandu va madara gi Ivuyuda ndi, “Nyasaye wavo yaazaa.”

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Joeli 2:21

“Milimi, mutatia mba, navuzwa musangare kandi muyanze kigira goosi aga Yahova amali kumukolera.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Zekaria 8:15

Navuzwa kalunu ndohizaa kugasiza vandu va Jerusalemi ni Ivuyuda. Kunangwa mutatia mba.

Yohana 12:12

Lidiku lialonda ku, kiduma kenene cha avandu avaari nivaazi mu lisavo lie lipasaka, vahulira ndi Yeso yaazaa Jerusalemi.

2 Vakorintho 4:1

Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba.

Vagalatia 6:9

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

Vafeso 3:13

Kunangwa mugoonyaa ligali, mutakuza mioyo mba kigira salira kulwa munyi; yaga gaveeye uvukala vwinyu.

Vahebraina 12:12

Kunangwa gingi igulu makono ginyu gamali kuluha kandi mulungikizi amaru ginyu gamali kodedekera.

Likunula 2:3

Ivi oveeye umwikuziri kandi umali kusalira kigira inzi, navuzwa siwakuza mwoyo mba.