Zefania 3:15 - KITABU KITAKATIFU

¹⁵ Yahova umali koheriza kuhaana mageri ku munyi kandi umali kutuliza ho avasigu vinyu vosi. Yahova, mwami wa Isiraeli aveeye harara ni munyi; si mulava nu vuti kandi mba.

Zefania 3:15 Iomraidhean Croise

Litanga 30:23

Yavereka kandi niyiivura mwana muyaayi ma navoora, “Nyasaye umali kunduliza muzisoni.

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 19:9

Iliitia Yahova liveeye lilahi, lihindiraa mihiga ni mihiga. Likalaga lia Yahova liveeye lirungi; liveeye lilahi kazozo.

Zaburi 85:3

Ivi umali kolekera kuva nu vutima navo, kandi umali kwigalira uvutima vuvwo vululu.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 33:22

Kigira Yahova aveeye mukalagi wiitu; alakakohonyie.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 51:22

Yahova, Nyasaye winyu, ukingaa munyi avoora, “Inzi mali kutuliza ho vutima vwa ndamuha mu vutima vwange. Simulanwa kandi iwaini imukolaa kugoyana mba. Si mulanwa kandi lubaago lwu vutima vwange mba.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 60:18

Mwoyo gwa vikilage sigulahulika mu kivala chiinyu kandi mba. Lidiviza anoho kwononyia si vilavaho mu kivala chiinyu kandi mba. Ndamukinga kandi ndamusoola kuli lidigi, mulahaana lizominya ku inzi kigira mali kumuhonyia.

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Ezekieli 35:10

“Munyi mwavoora ndi, avandu vi ihiiri yi Ivuyuda na Isiraeli, harara ni vivala viavo ni vienyu kandi mulavivugula, kali niiva Inzi Yahova, ndaali Nyasaye wavo.

Ezekieli 36:15

Sindavugilira zihiiri zimunyege kandi mba, anoho kumuchaya mba. Sindaleka ihiiri yinyu igwi mba. Inzi Yahova Wuvunyali mali kovora.”

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Amosi 9:15

Ndiranyia avandu vange Isiraeli mu kivala cha ndaavaha, na sivalatulizwa mu kandi mba.” Yahova Nyasaye winyu umali kovora.

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Habakuk 2:17

Mwatema militu ja Lebanoni; kalunu na munyi mulatemwa. Mwitaa zinyama zimenyi mu; kalunu zinyama yizio zilamutihiza. Yaga galakekoleke kigira vwiti vwa mumali kokora kandi kigira kivihiri chiinyu cha mukoleraa vandu vi kivala na madaala manene.

Habakuk 2:8

Mwalanya vandu vi zihiiri zinyingi, navuzwa kalunu yavo avamali kohononoka valamulanya kigira vulumindi vwamwakola kandi kigira kivihiri cha mukoleraa vandu vi kivala na madaala manene.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 12:3

Navuzwa lwi ing'inga yeyo ilakaduuki, ndakakole Jerusalemi kuva kuli ligina lilitu, ihiiri yoosi ilakagelizi kulinginga ilakasaliri. Zihiiri ziosi ziekivala zilakahambane kwingilira Jerusalemi.

Zekaria 14:11

Avandu valakamenye wene yeyo mu lielemeriza, sivalakatihizwi kandi ni lidivizwa mba.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Yohana 1:49

Nazanieli yamutivulira, “Mwigizi, ivi niyie Mwana wa Nyasaye! Ivi oveeye Mwami wa Isiraeli!”

Yohana 12:15

“Utatia mba, lidaala lia Jerusalemi! Henza, Mwami woovo yaazaa, yikaye ku kemoli chisukiri.”

Yohana 19:19

Pilato yalaga vang'ode mang'oda ma vagaviiki ku Musalaba. Nago gasomeka kuli ndi: “YESO MUNAZARETI MWAMI WAVAYUDA.”

Yohana 5:30

“Inzi sinyala kokora kindu ku vunyali vwange mwene. Inzi ngalaga kuli mbulira kutura ku Baba, na likalaga liange liveeye liu vulungi. Sinyenyaa kokora uvulariri vwange mwene, navuzwa uvulariri vwa uyu uwanduma.

Likunula 12:10

Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

Likunula 7:15

Yiki nicho kigiri vasiingi imbiri wendeve yu vwami vwa Nyasaye, nu kumutumikira mbasu nu uvudiku mu Litembeli lilie. Uyu wikaye kondeve yu uvwami alavakinga ni lihema lilie.