Zefania 3:13 - KITABU KITAKATIFU

¹³ Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zefania 3:13 Iomraidhean Croise

2 Kyetsinyinga 20:30

Kunangwa, mwami Jehoshafati yamiha mu mirembe, kigira Nyasaye weve yamuha ovososi ku zimbega ziosi.

Ayubu 11:19

Siulava nuvuti kigira vasigu vovo mba: Avandu vanyingi valakoteeva ovokonyi.

Zaburi 119:3

Sivakora uvudamanu kali hakuzu; vagenda mu zinzira zia Yahova.

Zaburi 120:2

O, Yahova, ombonyie kutura ku avavehi navagaadi.

Zaburi 120:3

Munyi avavehi, Nyasaye alakola ki ku munyi? Alamuha amageri kuli ndi?

Zaburi 23:2

Anzimilira ahanzia kogona mwirago; ambilaa kuduuka ahimbi ha mazi galengeye.

Isaya 17:2

Madaala manene ga Siria galang'anywa mihiga ni mihiga. Galava vwayiru vwa magondi ni zing'ombe, na sihaveeye ho numulala uvikunga mba.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Isaya 65:10

Valasigamira kandi valava nu vwayiru vwi mitugu jaavo mu kereremo cha Sharoni kandi mu livona lia Akori.

Jeremia 23:4

Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Ezekieli 39:26

Lwa navave nivamenyi mu mirembe kandi mu kivala chavo, vugira mundu kuvatihiza, naviviliri kuli vaali mu zisoni kandi uvudamanu vwa vaangolera.

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Joeli 3:21

Inzi ndatungiza kisaalia kigira yavo avamala kwitwa, kandi sindatulizaho mahiolo gaavo mba, kigira inzi Yahova menyaa mu Ziyoni.”

Kyavalevi 26:6

“Ndahana mirembe mu kivala chienyu kandi mulagona vugira kutia umundu woosi. Ndatulizaho zinyama ziuvuhimwa mukivala zana, kandi si halava ho nuvulwani kandi mba.

Mika 4:4

Navutswa vandu vosi valamenya mu mirembe hagati he milimi je mizabibu jije ni misaala ji mikuyu, na sihalavaho nu mundu kali mulala unyala kuvatihiza mba. Yahova Wuvunyali umali kulaga yaga.

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Zekaria 8:16

Yivi ni vindu viduukana mukore: Muvoore agaveeye giligali mundu nu wache. Muhaane likalaga liagiligali nokoleta mirembe.

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Matayo 13:41

Umwana wa Adamu alatuma zingelosi veve, navo valavungiza kutura mu Vwami vwivwe ivindu viosi ivileetaa uvwoni, na vosi avaakoraa uvudamanu,

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

Vakolosai 3:9

Mutaveherana aveene na aveene mba, kigira mumali kutulizaho liiva lia kale harara ni milima jinyu.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

1 Yohana 5:18

Kumanya vulahi ndi, umundu woosi wivulwa kutura ku Nyasaye kokora uvwoni mba, kigira mwana wa Nyasaye amukingaa na kandi Setani sia lamusaliriza mba.

Likunula 14:5

Sivanyooleka kuva avavehi mba, kigira sivaveeye nimbara anoho kindu kidamanu kuvo mba.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”