Zefania 3:1 - KITABU KITAKATIFU

¹ O, vayaayi, lidaala lia Jerusalemi lidamanu kandi liebaali, lidambizaa vandu valio limali kudivizwa.

Zefania 3:1 Iomraidhean Croise

Isaya 30:12

Navuzwa yaga nigo aga Nyasaye Mutakatifu wa Isiraeli avoora: “Musuraa aga inzi muvooleraa na musuuviraa mu vutindi kandi mu vugadi.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Isaya 59:6

Miluvu ja valomba kutura ku zimbusi zie zimbuvi sivanyala kwikunika ni viavaanavaa mba. Miyinzi jiavo jiveeye miyinzi ju vudamanu kandi vikolwa viekirage viveeye mu amakono gaavo.

Jeremia 22:17

Navuzwa unyala vuzwa kukayirwa lienya liilio umwene; witaa avandu vataveeye nimbala kandi mu kilage udambiza avandu vovo Yahova umali kovora.

Jeremia 5:23

Navuzwa vandu munyi! Muveeye ni mioyo midinyu kandi avibaali; mumali kugirung'ana nukuzia halovega kandi muleki inzi.

Jeremia 6:6

Yahova Wuvunyali umali kuhaana lilago ku avami vateme misaala kandi vumbake vitumi kunangwa vakumbirizi Jerusalemi. Umali koroola, “Ndaha lidaala yili amageri kigira avadambizi vaveeyemu avanyingi.

Jeremia 6:7

Kuli kidaho kilinda mazi gacho vulahi, nindio avandu va Jerusalemi valinda uvudamanu vwavo vulahi. Mbulira kilage ligali niliononyia mu lidaala; ndolaa uvulwaye nizingwagu.

Ezekieli 22:29

Avandu vi kivala yiki vamali kudambiza nu kunuura. Vamali kudambiza avadaka na vageni, kandi si vavakolera likalaga liveeye lirungi mba.

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Ezekieli 23:30

vumali koleta yaga goosi ku ivi. Wakola uvulaya ni zihiiri kandi niweyonogonyia ni vifananyi viavo.

Kyavalevi 1:16

Alatuliza livozero harara ni vindu viveeye mu, na alavisiuva ku lovega lwi vugwi lwu uvwali, hi ligoke livikwaa.

Amosi 3:9

Mwilwaze ku zimbinga zio vwami mu kivala cha vandu va Siria, na ku zimbinga zio vwami mu kivala cha Egebeti, na muvoore: “Muvugane harara ku vigulu via Samaria na mulole ligoyana linene ni lidambizwa liayavo avaaveeye hagati havio.”

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Zekaria 7:10

Mutadambizi vakunzakali, vavisandu, vageni vamenyi hagati hinyu, anoho ku woosi oveeye ni lienya vokonyi mba. Mutalohizi zinzira ziokwenya kusaliriza vache mba.’

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.