Zefania 2:9 - KITABU KITAKATIFU

⁹ Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Zefania 2:9 Iomraidhean Croise

Isaya 11:14

Vombi harara vatangilira Avafilisitia ku lovega lwi madioli nukulanya avandu vamenyaa ku lovega lwi Ivugwi. Valaguuta avandu va Edomu na Moabu, kandi avandu va Amoni valavatia.

Isaya 25:10

Yahova alakakingi kiguru cha Ziyoni, navuzwa avandu va Moabu valakaduvagirwi hasi mu kivala chavo, kuli luvuva luduvagirwa hasi mu liliina lie siina.

Isaya 49:18

Heenzi zimbega ziosi mulole agaakoleka! Avandu vinyu vazaa kwivungiza harara vazaa yengo; Ligali kuli inzi mbeeye Nyasaye oveeye mwoyo, munyi muligingilira avandu vinyu, kuli umwiha yiyanziza ni yisiahi iviuma.

Jeremia 46:18

Inzi, Yahova Wuvunyali, mbeeye mwami. Inzi ni Nyasaye oveeye mwoyo. Kuli Kiguru cha Tabori keveeye igulu mu vigulu, kandi kiguru cha Karimeli kisingila igulu ku inyanza, kunangwa zilakave ndio zinguru zia oyo ulikutulira.

Jeremia 48:1

Yaga nigo aga Yahova Wuvunyali, Nyasaye wa Isiraeli yavoola kigira avandu vikivala cha Moabu: “Avandu va Nebo vaveeye mukivi, Lidaala liavo limali kudivizwa! Lidaala lia Kiriazaimu limali kugumirwa, zimbinga zialio zie zinguru zimali kwononywa; kandi avandu valio vamali kuvikwa mu zisoni.

Jeremia 49:1

Yaga nigo aga Yahova yavoola kigira avandu va Amoni: “Avasaza va Isiraeli vaveeye hayi? Avulaho mundu kali mulala unyala kukinga kivala chavo? Kigira ki valeka avandu vasigamira Moleki kuvugura kivala chihiiri ya Gadi nokomenya yo?

Jeremia 49:18

Kindu kilala chere kilakekoleke ku Edomu kuli chekoleka ku Sodoma na Gomora, lwa ndagadiviza harara namadaala agaali himbi. Mundu kali mulala si namenye mu lidaala yili kandi mba. Inzi, Yahova mali kovora.

Jeremia 49:33

Lidaala lia Hazori lilakolwa changalangwi mihiga ni mihiga, havundu hi vivwi vimenya vieng'ine. Mundu si alamenyayo kandi mba. Inzi Yahova mali kovora.”

Jeremia 50:40

Kindu kilala chere kilakekoleke ku Babiloni kuli chekoleka ku Sodoma na Gomora lwa ndaadiviza harara namadaala ga himbi. Siaveeyeho kali mundu mulala ulimenya mu kandi mba. Inzi, Yahova mali kovora.

Amosi 1:13

Yahova avoora, “Avandu va Amoni vamali kokora uvwoni haali kanyingi, na kigira yaga ndavaha amageri ligali. Vatanyia zinda avakali vaali ni vavereka mu Gileadi muvulwani nivenya okomeeda zinzako ziekivala chavo.

Amosi 2:1

Yahova avoora, “Avandu vi kivala cha Moabu vamali kokora uvwoni haali kanyingi, na kigira yaga ndavaha amageri ligali. Sivahaana luyali ku vigumba viu mwami wa Edomu kulivisaamba kuduuka nivigwa ligoke.

Zefania 2:14

halakave havundu hi viayo, hi zing'ombe kandi zinyama zing'ano ziosi zilakagone. Amakuure galakamenye mu mang'anye gacho kandi galakakubi liyoga lie zinguru kuvitira mu madirisha. Majikoro galakaliri vululu ku vika vie miliango. Misaala jaavo ji midaragwa javumbakila jilakatulizwi ho.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zekaria 2:13

Vuli mundu akiring'ane imbiri wa Yahova, kigira yaazaa kutura hatakatifu hehe.

Livalidza 14:21

Navuzwa ndagaa ndi, ligali kuli inzi mbeeye Yahova omenya, kandi ligali kuli uvukumi vwange vwizuyi mu lirova liosi,

Varumi 14:11

Amang'oda Matakatifu gavoora, “Kuli inzi ligali mbeeye Nyasaye oveeye mwoyo, Mwami avoora; mundu sa mulala alakasigame imbiri wange, kandi mundu woosi alakiyame ndi inzi mbeeye Nyasaye.”

Kwidzulitsa 29:22

“Mu makura gaaza, visukululwi vienyu kandi avageni kutura muvivala vie ihale valalola maduywa nu vusaliri vwa Yahova amali koleta ku kivala chienyu.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.