Zefania 2:7 - KITABU KITAKATIFU

⁷ Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Zefania 2:7 Iomraidhean Croise

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

Zaburi 80:14

O, Nyasaye Wanyala Viosi, yaanza ukwiranire kutura mwigulu, kandi hamba ohonyie avandu vovo.

Zaburi 85:1

O, Yahova, Ivi waaveera avandu vovo zimbavasi ligali; Ivi umali kokora avandu va Isiraeli kuzizagilira komeedeka mu vugasu.

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 11:14

Vombi harara vatangilira Avafilisitia ku lovega lwi madioli nukulanya avandu vamenyaa ku lovega lwi Ivugwi. Valaguuta avandu va Edomu na Moabu, kandi avandu va Amoni valavatia.

Isaya 11:16

Kandi halavaho ninzira enene kutura Asiria kigira yavo vandu veve Isiraeli avatigara mwoyo, kuli gaali ku avaguuga vaavo lwa vaatura Egebeti.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 29:10

“Yahova avoora, ‘Lwi mihiga 70 jimalirika ni muveeye mu Babiloni, ndaaza kumugeniha kandi ndaduukiza lilagana liange ku munyi na ndamwilanyia mu kivala cha Isiraeli.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Jeremia 32:44

Avandu valagula milimi yiji, na ligulana liajo lilang'odwa nu kuviikaku mukono, kandi nu kumiinaku muhuri, imbiri wa avaloli. Yaga galakoleka mu kivala cha Benjamini, mu Jerusalemi kandi mu madaala gi Ivuyuda, mu madaala gi kivala chi vigulu, mu madaala ga Shefela, mu madaala ga Negebu. Ndilanyia avandu kutura mukivala chi liadikizwa, na ndavilanyia mukivala chavo. Inzi Yahova mali kovora.”

Jeremia 33:12

Yahova Wuvunyali Vwosi avoora, “Mukivala yiki, ekeveeye kuli ichangalangwi, havundu ha avandu anoho zinyama zitamenyi, kilava kandi uvwayiru vwosi, havundu ha avayi navahile iviayo viavo.

Jeremia 33:7

Ndiilanyila avandu vi Ivuyuda kandi avandu va Isiraeli uvutugi vwavo, nu kuvakola vave kuli valange maziambiri.

Jeremia 47:5

Ovovereri vonene vumali kuduuka ku avandu va Gaza, na avandu va Ashikeloni vachiring'ani machiriri. Kuduuka ing'inga ki avandu vandi vosi va Filisitia valasioma? kuduuka ing'inga ki?

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Hosea 6:11

“Na munyi avandu vi Ivuyuda, mali kulaga ing'inga yukuhaana mageri ku munyi kigira vikolwa vinyu vidamanu via mukoraa.

Obadia 1:19

“Avandu kutura Isavaalu wi Ivuyuda valakavuguli Edomu; Avandu kutura imadioli wa Shefela valakavuguli kivala cha Filisitia. Avandu va Isiraeli valakavuguli kivala cha Efuraimu na Samaria. Avandu va Benjamini valakavuguli kivala cha Gileadi.

Mika 2:12

“Navuzwa ndamuvungiza harara ligali, avandu vosi va Isiraeli avatigara. Ndamuvungiza harara kuli amagondi gilanaa mu kego. Kuli chayo chizuuyi amagondi, kivala chienyu kilava kandi na vandu vanyingi.”

Mika 4:10

Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu.

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zefania 3:20

Ing'inga yiza! Lwa ndakilanyie yengo avandu vinyu vosi avasalanywa; Ndakamukole kumanyikana mu kivala choosi, kandi ndakamukole konyoora miandu.” Yahova umali kovora.

Haggai 1:12

Maku Zerubabeli, Joshua na vandu voosi vaali ni vakatula Babiloni mu vuhaambe, vakora cha Yahova Nyasaye wavo yavavolera. Vaali nu vuti kandi vaatia muporofeti Hagai mutumwa wa Yahova.

Haggai 2:2

Yavolera Hagai avolere Zerubabeli mwami wi Ivuyuda, Joshua musaalisi munene na vandu vosi nu kuvavoolera,

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

Luka 7:16

Avandu vosi vaali nuvuti, nivakuminya Nyasaye. Nivavoora, “Umuporofeti munene yanyooleki mu kunyi. Nyasaye yaazi kohonyia avandu veve.”

Vikolwa 8:26

Engelosi wu mwami yavolera Filipo, “Wetegeke uzie mu lovega lwi isavaalu, uvitiri kunzira itulaa Jerusalemi nizia Gaza.” Inzira yene yeyo ivitiraa mu changalangwi.

Vikolwa 8:40

Filipo yizukanira vuzwa naveeye mu lidaala lia Azota; yaazizagilira kuvitira mu madaala goosi ni yilwaza Ivangeri mu madaala goosi kuduuka lwa yaduuka Kaisaria.

Varumi 11:5

Kunangwa nindio kandi gaveeye ing'inga ya kalunu. Vaveeye ho vandu vakekeeke avatigaye ava Nyasaye amali kotovola kigira zimbavasi zizie.

Ruth 1:6

Lwa Naomi yahulira naveeye mu Moabu ndi, Yahova yaali nagasizi avandu veve kulwu kuvaha ligesa lilahi, yetegeka kutura mu Moabu harara na avanavizara veve.