Zefania 2:2 - KITABU KITAKATIFU

² ni mukikiri kukungwa kuli mukuzi guhuuzwa ni imbuza, imbiri wu vutima vululu vwa Yahova vukikiri kuduuka ku munyi, imbiri wi lidiku lwa Yahova akikiri kumanyia uvutima vwivwe vululu.

Zefania 2:2 Iomraidhean Croise

Ayubu 21:18

Navahuuza kuli mavululi gahuzwa ni imbuza mba, noho luguchi luhuuzwaa ni kihuzuzi?

Zaburi 1:4

Navuzwa avadamanu sivaveeye ndio mba. Vaveeye kuli mukuuzi gwi imbuza ihilaa.

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 50:22

“Muhuliri amakuva yaga, munyi avasuuraa inzi Yahova, ni gataveeye ndio, ndamudiviza ligali, kandi sialavaho kali mulala unyala kumuhonya mba.

Isaya 17:13

Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Jeremia 23:20

kandi sikililekera mba kuduuka lwa alikola goosi agaganagana kokora. Mumadiku gaaza avandu valakamanyirizi yaga vulahi.”

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 12:25

Inzi Yahova ndakamolome kuvo, kandi agandivoola galakekoleke. Lilindagilira si lilakaveho kandi mba. Mulimenya lienyu, munyi mwibaara, ndakakole agaamali kumwiganihiza ndi ndakora. Inzi mali kovora,” Yahova Wuvunyali avoora.

Hosea 13:3

Kulwayago, avandu yava valakama kuli malesi kandi kuli iliime likamaa mugambazuri. Valava kuli mukuzi gwi imbuza ihilaa kutura Koloze, kandi valava kuli umwochi guvitiraa mu muluhu.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.

Matayo 24:35

Ligulu ni lirova vilavita, navuzwa amakuva gange sigalivita mba.”