Zefania 2:15 - KITABU KITAKATIFU

¹⁵ Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Zefania 2:15 Iomraidhean Croise

Ayubu 16:4

Niiva munyi mwakaveeye inzi, na inzi niiva ndakaveeye munyi, ndakavooye makuva goosi ga munyi muvooraa ku inzi. Ngano ndakamuvooleye makuva gokogenyia nu kuzizagilira kumusung'usira mutwi gwange.

Ayubu 27:23

Imbuza imukubiraa liyoga lwa anyaguraa. Kandi imutihiza ni zinguru ziu kwononyia.

Isaya 22:2

Avandu vi lidaala linene liosi vaveeye ni lihanzuka kandi liyoga liu vusangali vonene. Avasaza vinyu vakuzira mu vulwani yivu sivakuza nivalwana mba.

Isaya 32:11

Munyi mwamenyangi mulielemeliza, litaveeye ni lihenda mwoyo, navuzwa kalunu, mudegere nu uvuti! Mutulizi zinguvu zienyu, kandi mwevohe zinguvu ziamagunia mu vikenge vienyu.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 32:9

O, munyi avakali vaveeye ni limenya liovwelemelizi, avataveeye ni lihenda mwoyo, muhulirize amakuva gambolaa.

Isaya 47:10

“Mwayanzilira kokora uvudamanu, mwaganagana ndi mundu kali mulala siyaali anyala kumulora mba. Ovogeri kandi limanya lienyu viamugotiza, kandi mwavoora mu mioyo jinyu, ‘Kunyi koveeye Nyasaye, siaveeye ho nu wundi kuli kunyi mba.’

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 19:8

Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Jeremia 50:13

Kigira uvutima vwange siaveeyeho nu mundu kali mulala ulimenya mu Babiloni mba; nalitigale amang'anye, kandi vosi avaliviitira ahimbi kulio navegose kandi navagenye.

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 2:1

Yahova amali yakunika avandu va Jerusalemi ni kisundi mu vutima vwivwe. Yaagirung'anyi uvukumi vwa Jerusalemi kugwa mang'anye kulirova. Si yizuliza Litembeli lilie lidiku liu vutima vwivwe mba.

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Ezekieli 27:36

Avakiranyi hagati hi zihiiri vamusekerizaa. Munyi mumali kuduuka ku keheri chi litihiza, kandi si mulavaho mihiga ni mihiga mba.”

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Nahum 3:19

Avulaho mundu unyala kohonyia lisalirizwa lienyu, kandi zingwagu zienyu sizinyala kohona mba. Avandu vosi avahulira makuva kigira lidivizwa lienyu, vakubagaa makono gaavo ni vasangara. Siaveeyeho numundu wahononoka kutura mu vusaliri yivu vutaveeye ne keheri mba.

Habakuk 1:7

Valandiza vuti ni lidegera linene kandi mu vwelori vwavo valivugulira malago.

Matayo 27:39

Avandu vavita ahene yaho vaamunyega, nivasung'usa imitwi jaavo.