Zefania 2:10 - KITABU KITAKATIFU

¹⁰ Nindio avandu vi kivala cha Moabu na Amoni valakanyore amageri kigira lielola kandi kilage harara ni ligemihiza lia vakolera vandu va Yahova Wuvunyali.

Zefania 2:10 Iomraidhean Croise

1 Kyetsinyinga 16:21

Navuzwa Nyasaye si yaleka mundu kali mulala kuvandambiza; yiganihiza avami nu kukinga vandu veve.

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Kutwula 9:17

Kali ukikiri mwigingiri na usuyi koleka avandu vange vazie.

Isaya 16:6

Avandu vi Ivuyuda vavoola, “Kumali kuhulira kuli avandu va Moabu vaveeye avigingiri. Koveeye nilimanya ndi vaveeye nikirage kandi avelori; navuzwa lievoola liavo liveeye liavuzwa.”

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 48:14

“Munyi avandu va Moabu, kigira ki muganaganaa ndi muveeye avaluviriri, kuli avasikari vi zinguru mu liihi?

Jeremia 48:29

Munyi muveeye avelori ligali! Inzi mali kuhulira kuli mwelora, kuli mwigingiraa kandi kuli mwekonyaa, kandi kuli mwiganaganira aveene.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Ezekieli 25:6

“Yaga nigo aga Yahova Wuvunyali avoora: Mwakubaga makono kandi nimutumagira kigira vusangali. Munyi mwalegeliza kivala cha vandu va Isiraeli.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Obadia 1:11

Ku lidiku liene yilio, mwasingira halovega, lwa vasigu vandi vageni vaza nivavunaga virivwa viavo, munyi mwali avadamanu kuli avageni yavo, avaavugura miandu ja Jerusalemi nivagavulana vene ku vene.

Obadia 1:3

Liegingira lie mioyo jinyu limali kumugaada; munyi avamenyi mu imbinga yu lwanda, vomenyo vwinyu voveeye igulu, mu vigulu. Kunangwa mwevoleraa, ‘Nivwaha unyala kukwikiza hasi?’

Zefania 2:8

Yahova Wuvunyali avoora, “Inzi mali kuhulira vandu vi kivala cha Moabu na Amoni, vagemehiza kandi vaageriza kokora vandu vange kuva vu vutima, kandi vigingira ndi vanyara kuvugura kivala chavo.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”