Zefania 1:4 - KITABU KITAKATIFU

⁴ “Ndakahaane mageri ku vandu va Jerusalemi halalani Ivuyuda. Ndakonogonyie vandu vosi avasigamiraa Baali. Sialakaveho nu mundu kali mulala ulakizulirizi avasaalisi vi vifananyi avatumikiraa Baali mba.

Zefania 1:4 Iomraidhean Croise

2 Avami 21:13

Ndahaana amageri ku Jerusalemi kuli ndakora ku Samaria, kandi ku mwami Ahabu wa Isiraeli na visukululwi vivie. Ndatuliza vandu vosi mu Jerusalemi kuli mulala yogizaa isahani kandi kuyo amazi kandi agikunaminya.

2 Avami 23:12

Mwami Josia yasambula uvwali vwosi vwa vami vi Ivuyuda vaali ni vumbaka ku kesegese chinyumba yu vwami ahimbi no vomenyo vwu mwami Ahazi, kandi yasambula uvwali vwa Manase yaali Ni yumbaka mu migizi givili ji Litembeli lia Yahova. Yasambula uvwali nukuvwatanyia mu vijonjo kandi navisiuva mu livona lia Keduroni.

2 Kyetsinyinga 34:4

Yahaana amalago ku vasaza vanene veve kusambulanyia uvwali ha vandu ha vasigamira Baali, kandi nasambura uvwali vwi vimuli ahimbi navwo. Kandi yaduvulanyia vifananyi viu munyasaye wi kikali Ashera harara ni vifananyi vindi viosi, navugura luguchi lwavio nalusalanyia ku virindwa via vandu vahaana visiuviliru kuvio.

Kutwula 15:12

Wanyiira mukono gugwo mulungi. Kandi lirova liamira avasigu viitu.

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 6:12

Zinyumba ziavo kandi imilimi, navakari vaavo, vilahaanwa kuvandi. Nziza kuhaana amageri ku vandu vikivala yiki.

Ezekieli 25:7

Kigira mwakora ndio, ndamuviiki muvunyali vwi zihiiri zindi iziaza zimunuuli kandi zimulanye. Ndamudiviza ligali kuduuka; si namuve ihiiri kandi mba, anoho si namuve kandi ni kivala chiinyu aveene mba. Maku namumanye ndi inzi mbeeye Yahova.”

Ezekieli 6:14

Yee, ndanyira mukono gwange nukudiviza kivala chavo. Ndakekola kuva amang'anye kutura mwigendanyama kuduuka mu lidaala linene lia Ribula Ivaale, vugira koleka havundu hoosi ha vandu va Isiraeli vamenya. Maku vuli mundu namanyirizi ndi inzi mbeeye Yahova.”

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Mika 5:13

Ndanonyie vifananyi vienyu kandi minaara mitakatifu ja magina; simulasigamira kandi vindu via munyi vene mumali kolomba mba.

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.

Zefania 2:13

Yahova alakanyiiri mukono gwigwe kolovega lwi Ivaale nu kudiviza Asiria. Alakakole lidaala lia Nineve kuva mang'anye kandi changalangwe vugira mazi,