Zefania 1:16 - KITABU KITAKATIFU

¹⁶ Lidiku lizuiyi liyoga lie visiriva viu vulwani kandi lwanga lwa vasikari vu vulwani avingiliyi madaala gi zimbinga kandi gi minaara mitambi.

Zefania 1:16 Iomraidhean Croise

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 59:10

Kuhavatizaa yiyi niyiyi ukwenyeleriza lidigi kuli avavoku; kuhavatizaa vuzwa kuli yavo avatali nizimoni. Kwikigatira mbasu hagati kuli koveeye mu vudiku, kuli koveeye mukivala chikisundi cha vakuzu.

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Jeremia 8:16

Avasigu viitu vadukikale mu lidaala linene lia Dani; kuhuliraa lihuuma lie zibarasi ziavo. Kivala choosi kedegeraa lwi zibarasi ziavo zifuumaa. Avasigu viitu vazi kudiviza kivala chietu kandi ni vindu viosi viveeye mu, lidaala lietu linene harara na avandu vamenyi mu.”

Ezekieli 7:7

Kivi kimali kuduuka ku munyi, avandu vamenya mu kivala. Ing'inga eveeye ahimbi lwi lisangala lilakavuli kuva ho Ha kiguru hu kusigamira vifananyi navuzwa ligoyana.

Hosea 5:8

Mukubi visiriva viu vulwani mu Gibea! Mukubi kiliri mu Rama! Mukubi liyoga liu vulwani ha Bezaveni! O, munyi avandu va Benjamini, muzie muvulwani!

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Joeli 2:1

Kuba kisiriva; kuba ulwanga ku avandu va Ziyoni, kiguru cha Nyasaye Kitakatifu. Mudegere, avandu vi Ivuyuda! Kigira lidiku lia Yahova lizaa vwangu.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Kwidzulitsa 28:52

Valamumbiriza nukumumwingilira mu vuli lidaala mu kivala cha Yahova Nyasaye winyu amuhezaa. Amadigi matambi gi zingaga aga mulisuuvira galagwa.

Joshua 6:20

Kunangwa avasaalisi vaakuba visiliva. Nonoho lwa vasaza zana vahulira mwoyo gwi visiliva, nigukuba ku lohono, vahaanzuka nu mwoyo munene ligali, na amadigi gulugaga gaagwa hasi. Maku iliihi liosi lia Isiraeli vanigira kiguru vulungi nokwingira mu lidaala linene nivaligumira.