Zefania 1:11 - KITABU KITAKATIFU

¹¹ Musiome kandi muliri lwa muhulira yaga, munyi avandu vamenyi kolovega lwindangu wi lidaala linene kigira vakiranyi vosi valakave ni vakuzi.

Zefania 1:11 Iomraidhean Croise

Ayubu 27:16

Kali niiva valavungiza izahabu kuli luguchi, kandi niiva valavungiza zinguvu kuli marova,

Ayubu 27:17

hawundi vavungiza, navuzwa avalungi valazivugula, kandi avandu vatali nimbala valavugula izahabu nu kugavulana.

Jeremia 25:34

Muliri, munyi aviimiliri, munyi aviimiliri va avandu vange, mukubi zikwiri vudinyu! Musiome kandi mugalagale mu luguchi. Ing'inga imali kuduuka kumunyi kusinzwa kuli amagondi amamigu.

Jeremia 4:8

Kunangwa mwiviki zinguvu ziamagunia, muliri kandi musiome; kigira vutima vululu vwa Yahova vukikiri kugirung'ana kutura ku avandu vi Ivuyuda.

Ezekieli 21:12

Uliri kandi usiome, Mwana wu Mundu; kivavi yiki keveeye ho kulwa vandu vange, kandi ku vimiliri vosi va Isiraeli. Vazizaa kwitwa harara na vandu vange vandi vosi. Kunangwa ulava novovereri vunyingi ligali.

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Joeli 1:5

Vuki kandi musiome, munyi vahambiku; muliri, munyi avanwezaa iwaini; makuyu gokolombera iwaini imbia gononyeywi.

Zefania 2:5

Munyi avandu va Filisitia mwadiva! Munyi avandu vamumenyi ahimbi ni inyanza. Yahova umali ku mukalagiraa. Alakamudivizi kandi avulaho mundu kali mulala ku munyi ulitigara.

Zekaria 14:21

Vuli inyingu yo kodekera mu, mu lidaala lia Jerusalemi kandi Ivuyuda woosi ilakatakaswe nu kugitumikira mu lisigamira Yahova Wuvunyali. Avandu vahaana visiuviliru valakadekere mu inyama yi visiuviliru. Lwi ing'inga yeyo ilakaduuki avakiranyi sinavaveho kandi mu Litembeli lia Yahova Wuvunyali mba.

Yohana 2:16

Yavolera avagulizaa amakuulu, “Tulizi vindu yivi yimu. Mutakoli inyumba ya Baba wange kuva havundu hi ichiitu mba!”

Yakobo 5:1

Kalunu, munyi avandu avatugi, mumbulirizi! Mukubi zikwiri kandi musiome, kigira ikivi kiiza kumugwila.