Zefania 1:10 - KITABU KITAKATIFU

¹⁰ Yahova avoora, “Kulidiku yilio, mulakahuliri ulwanga ha kirivwa chizuzi mu Jerusalemi. Mulakahuliri lisioma kolovega lwiluhia wi lidaala linene, kandi lwanga lwi liyoga linene mu vigulu.

Zefania 1:10 Iomraidhean Croise

2 Samweli 5:7

(Navuzwa Daudi yagumira nukuguuta imbinga yaavo ya Ziyoni, kandi liaza kumanyikana kuli “Lidaala linene lia Daudi.”)

2 Samweli 5:9

Inyima wukugumira nukuguuta imbinga zana yeyo, Daudi yamenya muyo kandi yagigulika, “Lidaala linene lia Daudi.” Yumbaka lidaala linene ku likumbiriza kutangira havundu hu mulimi gwaali ni gwizulizwa mu amavona ku lovega lwa Ivugwi wi kiguru.

2 Avami 22:14

Hilicha musaalisi, Ahikamu, Akibori, Shafani na Asaya vazia koteeva mukali walangwa Hilida, umuporofeti, wamenyaa mu losoma luhia lwa Jerusalemi. Musaza weve yaali Shalumu, muyaayi wa Tikiva na mwisukulu wa Harihasi, yaali mulindi wi zinguvu ziu mu Litembeli. Vamwivaalira goosi agaali ni gekoleki,

2 Kyetsinyinga 3:1

Maku mwami Solomoni yaatanga kwumbaka Litembeli mu Jerusalemi aha Daudi yaali niyalaga ku kiguru cha Moria, aha Yahova yaloleka ku baba weve Daudi, ku oloze lwa umujebusi.

2 Kyetsinyinga 32:22

Munzira yiyi, Yahova yahonyia mwami Hezekia harara na vandu vamenyaa mu Jerusalemi kutura kuzinguru zia Senakeribu, mwami wa Asiria; ma kandi kutura ku vasigu vaavo vandi. Yaleka avandu vamenye mu mirembe, nivivala viali mu votende.

2 Kyetsinyinga 33:14

Inyima wa yaga, Manase yameda kwumbaka uvutambi igulu wi lidigi lie chova ku lovega lwi Ivugwi lwi Lidaala linene lia Daudi, kutura havundu mu livona ahimbi ni kidaho cha Gihoni ivaale wi Kirivwa chi Zisuzi kandi havundu hi lidaala linene ahalangwa Ofeli. Yavika kandi munene wi liihi mu vuli lidaala linene liumbakirwa zimbinga lie Ivuyuda kuliliinda.

2 Kyetsinyinga 34:22

Maku Hilikia harara na yavo vu mwami yaali natumi, vazia ku Hulida mukali muporofeti, mukali wa Shalumu muyaayi wa Tokazi, mwisukulu wa Hasira, mulindi wi zinguvu mu Litembeli, uwamenyaa mu Jerusalemi. Vamoloma kuye kigira makuva gang'odwa mu kitabu yiki.

Nehemia 12:39

na kutura hene yaho, kwazia ni kuvitaa kirivwa cha Efuraimu, kirivwa cha Jeshana, kirivwa chi Zisuzi, munara gwa Hananeli, kandi munara gwa miamoja kuduuka ku kirivwa cha magondi. Kwalekera ligenda liitu ahimbi ni kirivwa chi Litembeli.

Nehemia 3:3

Avikiliango cha Hasena vumbaka kirivwa chi Zisuzi. Vaala mialiru jacho, ni vasingiriza miliango jacho kandi nivaviika miruguyu javio harara ni uvubada vwukuhanira virivwa, mu vogono vwavio.

Isaya 59:11

Kwosi kufuma kuli zidubu, kuliraa vuzwa kuli amakuulu. Kwenyelerizaa likalaga lirungi navuzwa siliveeye ho mba. Kwenyelerizaa ovohonyi, navuzwa voveeye ihale ni kunyi.

Jeremia 39:2

Ku lidiku lia tisa mu mweli gwa kane, ku muhiga gwa kumi na moja lwa Zedekia yaali mwami, amadigi gi lidaala linene lia Jerusalemi gaaduyagwa nigavunguluka.

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Ezekieli 6:13

Miviri jaavo mikuzu jilakasalanywi hagati hi vifananyi kandi ku vwali vwosi, najisalanywi ku vuli tugulu tutambi, kondongozi ya vuli kiguru, isi wumusala gwosi umuvisi kandi nu muduguyu gwosi munene, na havundu hoosi aha vasambira visiuviliru ku vifananyi viavo. Maku vuli mundu namanyirizi ndi inzi mbeeye Yahova.

Amosi 8:3

Ku lidiku liene yilio, zinyimbu mu Litembeli zilagwa izinyimbu zie lisioma. Halava ni miviri ja vakuzu minyingi havundu hoosi. Na jilateevwa makiriri.”

Zefania 1:15

Lilakave lidiku liu vutima vululu, lidiku lie kivi kandi lidiku liu vudinyu; lidiku liu kwononya kandi kudiviza, lidiku lie kisundi kenene ligali, lidiku limwamu kandi lia malesi manyingi.

Zefania 1:7

Lidiku liveeye ahimbi lia Yahova ahaanaa likalaga, kulwayago muchiring'ane imbiri weeve. Yahova alohizaa kuhaana vandu veve kuli kisiuviriru, kandi umali koleta vasigu kwingilira kivala chi Ivuyuda.