Zefania 1:1 - KITABU KITAKATIFU

¹ Yaga na makuva ga Yahova yahaana ku Zefania muyaayi wa Kushi mwisukulu wa Gedalia, chisukululwi cha Amaria kandi kesoni chu mwami Hezekia. Yiyi yaali ing'inga lwa Josia muyaayi wa Amoni yaali mwami wi Vuyuda.

Zefania 1:1 Iomraidhean Croise

2 Avami 21:18

Manase yakuza kandi nayavirwa mu mulimi gwu vwami, mulimi gwa Uza, na muyaayi weve Amoni yavugula vogono vwivwe kuli mwami.

2 Avami 21:26

Amoni yayavirwa mu kirindwa mu mulimi gwa Uza, na muyaayi weve Josia yavugula vogono vwivwe kuli mwami.

2 Kyetsinyinga 33:20

Manase yakuza ma naateevwa ha inyumba yu vwami, nu muyaayi weve Amoni yavugula ovogono kuli mwami wi Ivuyuda.

Jeremia 1:2

Yahova yamoloma ku Jeremia mu muhiga gwi likomi na jivaga gwi liamiiha lia Josia mwana wa Amoni, yaali mwami wi Ivuyuda.

Jeremia 22:11

Yahova avoora yaga kigira Joahazi mwana wa Josia, uwamiha kuli mwami wi Ivuyuda muvogono vwa baba weve, “Umali kuzia ihale kutura hano, sialirana kandi mba.

Jeremia 25:3

“Ku mihiga 23, kutura ku muhiga gwa 13 lwa Josia mwana wa Amoni yaali mwami wi Ivuyuda kuduuka ing'inga yiyi, Yahova umali kumoloma ku inzi, na inzi ndaamuvolera goosi agayaambolera. Navuzwa munyi si mwahulira mba.

Ezekieli 1:3

Lwa ndaali nimbeeye mu Babiloni, ahimbi nu mugera gwa Kebari, ndaahulira Yahova namolomaa na ndaahulira zinguru zizie.

Hosea 1:1

Yili ni likuva lia Yahova yamoloma ku Hosea mwana wa Beeri mu ing'inga ya Uzia, Jozamu, Ahazi, na Hezekia vaali avami vi Ivuyuda, kandi mu ing'inga ya Jeroboamu mwana wa Jehoashi yaali mwami wa Isiraeli.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.