Zaburi 69:9 - KITABU KITAKATIFU

⁹ Uvuha vwange vwu kuyaanza Litembeli liilio vwaduuka mu mwoyo gwange kuli umuliru; amanyego ga yavo avanyegaa ivi, gamali kuduuka kali ku inzi.

Zaburi 69:9 Iomraidhean Croise

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

1 Kyetsinyinga 29:3

Kuvita yaga goosi, Inzi mali kuhaana livikiru liange mwene lie zahabu ni feza ku Litembeli kigira vuyanzi vwange kwetegekera liumbaka lie Litembeli lia Yahova Nyasaye wange.

Ayubu 19:13

Nyasaye uviiki avamwavo vange ihale kutura ku inzi. Na vakwamanyana navo vakoleywi avageni ligali ku inzi.

Zaburi 119:139

Uvutima vwange vusamba kuli muliru, kigira avasigu vange si vahuliraa amalago googo mba.

Zaburi 38:12

Yavo avenya kunzita vamali kotega mitego jaavo ku inzi, yavo avenya kusaliriza vatihiza ukundiviza ligali. Sivaleka kunganaganira uvudamanu mu vwivisu mba.

Zaburi 89:41

Avandu vosi avavitaa kunzira viva miandu jije; avatende veve vosi vamusekerizaa.

Varumi 15:3

Kristo si yiyanziza mwene mba. Navuzwa, kuli Mang'oda Matakatifu ku maziambiri gavoora, “Amanyego goosi ga yavo vanyega ivi, gaaza ku inzi.”