Yudasi 1:9 - KITABU KITAKATIFU

⁹ Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”

Yudasi 1:9 Iomraidhean Croise

1 Kyetsinyinga 12:17

Daudi yazia ku vaaganira navoora, “Niiva muzaa kuli avalina kongonya, mwingiliziywi hano nu murembe. Navuzwa niiva muzaa kunzaama nu kumbika ku vasigu vange, kali niiva si ndageriza kumusaliriza, Nyasaye wa vaguuga viitu alamanya amakuva yaga na alamuha amageri.”

Kutwula 22:28

“Utamoloma amanyego ku Nyasaye, anoho kulaama wa avandu vovo mba.

Danyeli 10:13

Engelosi ilindaa uvwami vwa Pasia yahing'ana na inzi ku madiku 21, maku Mikaeli indala ku zingelosi zinene yaza kongonya, kigira ndaali nendekeywi mu mwami wa Pasia

Danyeli 10:21

Navuzwa ndakovolera agang'odwa mu kitabu cha giligali: Si aveeyeho nu mundu kali mulala wangonya, nitali Mikaeli engelosi ulindaa munyi avandu va Isiraeli.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Zekaria 3:2

Engelosi wa Yahova yavolera Setani, “Yahova akogondokele ive Setani! Yahova wayanza Jerusalemi akogondokele. Mundu uyu aveeye kuli imbimbu yavavugula kutura mu muliru.”

Marko 15:29

Avandu vavita ahene yaho vaamunyega, vasung'usa imitwi jaavo nivavoora, “Ehe! Ivi waali niwenya usambuli Litembeli kandi uliumbaka ku madiku gavaga!

Kwidzulitsa 34:6

Yahova yaamuyavira mu livona liu Moabu kolovega lundi lwi lidaala lia Bezi-peoru, navuzwa sihaliho numundu wa umanya kilindwa chiche kali kuduuka kalunu mba.

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

2 Petro 2:11

Kali zingelosi ve zinguru nu vunyali kuvita avigizi vuvugadi yavo, sizileetaa ikiyaalo na manyego madamanu kuvo imbiri wu Mwami mba.

Likunula 12:7

Ahene yaho uvulwani vwatulira mwigulu. Mikaeli, harara ni zingelosi veve, valwaana nogoyoka zana, nagwo harara ni zingelosi ziagwo gwavalwaana.