Yudasi 1:25 - KITABU KITAKATIFU

²⁵ uyu oveeye Nyasaye yenyine Omuhonyi wiitu mu Mwami wiitu Yeso Kristo, vove kuye uvukumi, ovonene, ni zinguru nu vunyali kutura zing'inga ziosi ziavita, kandi kalunu, kandi kuduuka imihiga ni mihiga. Amini.

Yudasi 1:25 Iomraidhean Croise

1 Kyetsinyinga 29:11

Ivi oveeye Munene kandi wi zinguru; wu vukumi, kandi wu vuguuti, wo kogenyia kandi wuvunyali. Ivindu viosi iviveeye mwigulu kandi mu lirova viveeye vivio, kandi ivi oveeye mwami oveeye igulu ligali ku vindu viosi.

Zaburi 104:24

O, Yahova, ivi walomba vindu vinyingi! Walomba vindu viosi novogeri vonene ligali! Lirova liosi lizuuyi vilombe vivio.

Zaburi 147:5

Yahova wiitu aveeye munene kandi wizingulu; ovogeri vwivwe sivunyala kogerwa mba.

Zaburi 78:20

Gaveeye agiligali ndi yaduya ulwanda, na amazi gaasinuka nigituluka kuli mugera gwizuuyi. Navuzwa aveeye unyala kandi kuhaana ku kunyi uvuchima kandi ahaane ku vandu veve inyama?”

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Luka 1:47

Kandi mwoyo gwange gusangali kigira nu Nyasaye, Muhonyi wange.

Yohana 4:22

Munyi Avasamaria musigamiraa oyo wamutamanyi ligali navuzwa kunyi kumanyi uyu wakusigamiraa, kigira ovohonyi vutura ku Avayuda.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Varumi 11:36

Vindu viosi vialombwa naye, kandi viosi viveeye ho mwoyo kuvitira mu zinguru zizie; kandi viosi viirana kuye. Uvukumi vove kuye mihiga ni mihiga! Amini.

Varumi 16:27

Vukumi vove ku Nyasaye oveeye no vogeri yenyine, kuvitira mu Yeso Kristo, mihiga ni mihiga! Amini.

Vafeso 1:8

zia yahaana ku kunyi kuvita kegero. Mu vogeri vwivwe vwosi kandi limanya,

Vafeso 3:10

kunangwa ku ing'inga ya lero, kuvitira munzira yi likanisa, zingelosi vamiihi, kandi vaveeye ni zinguru mwigulu vaduuki kwiga kuli Nyasaye aveeye mugeri mu liiva liosi.

Vafeso 3:21

Uvukumi vove ku Nyasaye mu likanisa kandi mu Kristo Yeso, zing'inga ziosi, mihiga ni mihiga. Amini.

Tito 2:10

vatiiva kutura kuvo, navuzwa vamanyie uvusuuvirifu, kunangwa vaduuki kuhaana luyali ku amigizu ga Nyasaye Muhonyi wiitu ku vindu viosi.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Tito 3:4

Navuzwa lwu uvulahi nuvuyanzi vwa Nyasaye Muhonyi wiitu vwalolekizwa,

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

Likunula 1:6

kandi umali kokolombera uvwami vwa avasaalisi vanene kutumikira Nyasaye weve, kandi Baba weve. Uvukumi ni zinguru vive ku Yeso Kristo imihiga ni imihiga. Amini.