Yudasi 1:16 - KITABU KITAKATIFU

¹⁶ Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.

Yudasi 1:16 Iomraidhean Croise

Ayubu 32:21

Sindayanzilira mundu kuvita wundi mba, anoho kutumikira amakuva gukwizominya mundu vuzwa muvugaadi mba.

Ayubu 34:19

Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Zaburi 106:25

Vamenya mu mahema gaavo nokomonya, kandi sivali vanyara kuhuliriza Yahova mba.

Zaburi 15:4

Mundu achaya avandu va Nyasaye amali kusuura, navuzwa ahaanaa uluyali ku yavo avatizaa Yahova, uyu akola goosi agaamali kulaga ndi alakola. Kandi sialagirung'ana mba.

Zaburi 17:10

sivaveeye nilivererera mu mioyo jaavo kandi vamolomaa ni liegingira.

Zaburi 73:8

Vamoloma vindu viu vudamanu, kandi vasekeriza avandu vandi, vaveeye ni liegingira kandi valohiza kudambiza avandi.

Tsing'ano 28:21

Kuva ni liyaanzilira sivoveeye vulahi mba, navuzwa konyoora viambeti vikekeke mundu akolaa vudamanu.

Isaya 29:24

Avandu vasiru valiiga kumanyiriza, kandi yavo avililiraa kazozo valayaanza ukwigizwa.”

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Livalidza 14:36

Kunangwa avandu va Musa yaali natumi kuzia kutunyiriza kivala, valeta makuva madamanu kutura mucho ni vakora avandu vosi nivatanga limoloma vudamanu ku Yahova.

Livalidza 16:11

Lwa wililiraa ku Haruni harara nu muganda gwugwo, gaveeye giligali ndi mwibaara ku yahova.”

Livalidza 16:41

Lidiku lialondaku, avandu vosi vigaana kigira Musa na Haruni nivavoora, “Mumali kwita valala ku vandu va Yahova.”

Luka 15:2

Avafarisayo na avigizi vi Lilaga vatanga komoloma kwililira nivasinyiki nivavoora, “Mundu uyu! Yingirizaa avoni kandi alizaa navo.”

Luka 19:7

Lwa avandu vosi valora yaga, vatanga kokenya nokomonyana nivavoora, “Mundu uyu uziyi kuva mugeni hango hu mundu mwoni.”

Luka 5:30

Mu lilia, Avafarisayo valala na avigizi vi Lilaga valala vihambihiza Yeso nivavoora, “Kigira ki mulizaa nukunwa harara na vasololi vuvusuuru kandi na avoni?”

Yohana 6:41

Avandu vatanga kwigana kigira yavoola ndi, “Inzi nigwo mugadi gwatura mwigulu,”

Yohana 6:61

Navuzwa Yeso vugira kovolerwa nu mundu woosi, yamanya mwene ndi aviigi veve vigaana kigira yaga, kunangwa yavateva, “Livoora yili limulomba kwikigatira?

1 Vakorintho 10:10

Mutamoonya kuli valala kuvo vamoonya ma nivadivizwa ne Engelosi wi Likuza mba.

Vagalatia 5:16

Navuzwa agambooraa ni yaga, muleke Roho yimiliri livamwoyo lienyu na munyi mulavula kudukiza liegomba liu muviri.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Kwidzulitsa 1:27

Mwiganaa aveene naveene mu mahema ginyu nimuvoora, Yahova yakusula, yakutuliza Egebeti aduuki kukuhaana ku vandu va Mori vakwiti.

Vafilipi 2:14

Mukore ivindu viosi vugira liegana anoho amahangari,

1 Vatesalonike 4:5

sigaveeye mu liegomba lidamanu liu muviri kuli avandu vi zihiiri, avatamanyi Nyasaye.

1 Petro 1:14

Kuli avana vahuliri, mutavugilira likayirwa lienyu lidamanu lia mwali nalio ing'inga ya mwamenyaa mu vusiru mba.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

2 Petro 3:3

Kindu chu kutanga, gamudukira mumanye ndi mu madiku ge keheri yaga, vandu valala valaloleka kuva vilivamwoyo liavo iliamiifwi ni likayirwa lie miviri jiavo valakamunyage kandi

Yudasi 1:15

Sokoleeta ilikalaga ku avandu vosi, kuvakalagira vosi kigira ivikolwa iviavo vitaveeye viu vunyasaye via vamali kokora, kandi kigira amakuva goosi gukuvihiliriza ga avoni avataveeye nu vunyasaye vamali komoloma vudamanu kuye!”

Yudasi 1:18

Vamuvolera, “Lwi zing'inga zie ekeheri ziduuka, avandu valakaze avalimukolera kehenyahenye avandu valonda ilikayirwa liavo lidamanu ilitaveeye liu uvunyasaye.”