Yudasi 1:15 - KITABU KITAKATIFU

¹⁵ Sokoleeta ilikalaga ku avandu vosi, kuvakalagira vosi kigira ivikolwa iviavo vitaveeye viu vunyasaye via vamali kokora, kandi kigira amakuva goosi gukuvihiliriza ga avoni avataveeye nu vunyasaye vamali komoloma vudamanu kuye!”

Yudasi 1:15 Iomraidhean Croise

Zaburi 139:20

Vavoola vindu vidamanu ku ivi. Vamoloma vindu vichamu ku lieta liilio.

Zaburi 149:9

ukuhaana mageri ku zihiiri zindi kuli Nyasaye amali kulaga. Yili nilio liguuta lia vandu va Nyasaye. Mwizominye Yahova!

Zaburi 31:18

Kiringanyia avagaadi yavo! Avandu vaveeye nilielora kandi niliegingira, avamolomaa ni lilegeriza ku valungi.

Zaburi 37:6

Yahova alakola uvulungi vuvwo vong'ereng'ane kuli uvulavu vuturaa ku iliuva.

Zaburi 73:9

Vamoloma amakuva gu vudamanu ku Nyasaye wu mwigulu, kandi vahaana amalago gu kwigingira ku avandu vu mulirova.

Zaburi 94:4

Avavunagi va malago valekonya nukwenenehiza kuduuka ng'inga ki? Valigingira kigira uvudamanu vwa vakolera avandu kuduuka ng'inga ki?

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Kutwula 16:8

Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Ezekieli 35:13

Inzi mali kuhulira liegingira lienyu, nu kovora, makuva madamanu ku inzi.”

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 7:20

Ndeenya kandi kumanya kigira zinziga likomi ku mutwi nu lwiga lwamera lwinyima nu kutuura zinziga zindi zivaga. Lwali ni zimoni kandi munwa gwu kwidaya no kwevoora. Chaali king'ang'a chu kutihiza kuvita ving'ang'a vindi.

Yohana 5:27

Kandi yamali kuha Mwana uvunyali vwu kukalaga, kigira aveeye Mwana wa Adamu.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Varumi 14:10

Kunangwa, kigira ki ivi ukalagiraa amwavo woovo? Na ivi, kigira ki uchayaa amwavo woovo? Kunyi vosi kulakasingiri imbiri wa Nyasaye kukalagirwa naye.

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

1 Vakorintho 5:13

Nyasaye mwene alakalagira avandu yavo avaveeye ichova wi likanisa. Kuli Mang'oda Matakatifu gavoora, “Mukungi umundu mudamanu wu vwoni kuli yivu atuli hagati hi livugana lienyu.”

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.

Likunula 13:11

Ndaalora kandi iking'ang'a kindi nikizaa kutura mu lirova. King'ang'a zana chaali ni zinziga ziviri kuli zie kememe chi ligondi, kandi chamoloma kuli enzoka.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!

1 Samweli 2:3

Lekera lieyizominya, leka limoloma liilio liu kwigingira. Kigira Yahova aveeye Nyasaye oveeye nilimanya, kandi akalagaa vindu viosi via vandu vakora.