Yudasi 1:12 - KITABU KITAKATIFU

¹² Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.

Yudasi 1:12 Iomraidhean Croise

2 Kyetsinyinga 7:20

maku ndamutuliza mu kivala cha ndaamuha, kandi ndaleka Litembeli yili lia mali kutakasa kuli havundu ha sigamirwa. Avandu havundu hoosi valalichaya kandi valalikolera kehenyahenye.

Ayubu 8:17

Imiri jacho jierizanyia ku magina, kandi jigumira vudinyu ku magina.

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Zaburi 37:2

Valuuma vwangu nukutura ho kuli vunyasi kandi valaniala kuli vulimu vuvisi.

Tsing'ano 25:14

Avandu valaga kuhaana vindu ma vavura kuduukiza lilagana liavo, vaveeye kuli malesi kandi vukindu vutaletaa imbura.

Ezekieli 17:9

“Kunangwa inzi, Yahova Wuvunyali, ndateeva ndi: ‘Muzabibu yigu gulamenya kandi guviruki?’ Indizu yukutanga siliiha imiri, yaguli makuyu, ivunanye iziisia kandi eleke amatu gagwo amavisi niganiara? Si gulenya ihiiri ye zinguru anoho avandu vanyingi kugwiha ni miri mba.

Ezekieli 34:10

Inzi, Mwami Munene Yahova mboraa, mbeeye musigu winyu. Ndakavuguli magondi gange kutura ku munyi kandi si mulakave aviimiliri vago kandi mba. Si nandeke na mwilindi aveene kandi mba. Ndakahonyie magondi gange kutura ku munyi kandi si mulagalia kandi mba.

Ezekieli 34:18

Malala kugo galiiza vunyasi vulahi magasenasena mu vutigaye. Agandi ganweza mazi malahi magasena mu nukuduvura agatigaye.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Ezekieli 34:8

Kuli mbeeye ligali Nyasaye oveeye mwoyo, vwakaveeye vulahi munyi kumbulirizi. Magondi gange gamali kwingilirwa ni zinyama ziu muvulimu; zimali kugiita kandi kugalia kigira mwimiliri si yaali ho mba. Aviimiliri vange si vageriza kwenya magondi gange mba. Vehendera mwoyo aveene vugira kohendera magondi gange.

Hosea 6:4

Navuzwa Yahova avoora, “Inzi nyara kumukoleraki munyi avandu va Isiraeli avandu vi Ivuyuda? Uvuyanzi vwinyu ku Inzi vogotaa vwangu kuli amalesi ga mugambazuri; kandi voveeye kuli iliime likamaa mugambazuri.

Kyavalevi 14:43

Niiva vuguku vuliranira kandi muinyumba inyima wa magina gamali kutulizwa na madigi kuhalagatwa nokohomwa vuhia kandi,

Matayo 13:6

Navuzwa lwi iliuva liatura, uvuguza vwali ni vomeri vwaniala. Na kigira imiri javwo sijali ni zinguru, vwuma nulwazana.

Matayo 15:13

Navuzwa Yeso yativura navoora, “Kitagwa choosi cha Baba wange wu mwigulu atasimika kiliifwa.”

Marko 4:6

Lwi iliuva liatonga vwaniala; kigira imiri javwo si jaali ni zinguru, vwuma.

Luka 12:45

Navuzwa, niiva mutumikiri oyo alaganagana mu mwoyo gwigwe nokovoora, ‘Mwami wange alindagiyi kwirana,’ ma atange kukubaga avatumikiri vandi avikisaza na avikikali, atange kulia nu kunwa nukuhambika.

Luka 16:19

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Luka 8:6

Vuguza vundi vwagwa ku marova gukulwanda, na lwa vwamera, nonoho vwuma kigira sivwanyoola amazi gukuvuvirukiza mba.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

Yakobo 5:5

Livamwoyo lienyu hano ku lirova limali kwizura nu vweremerizi, ni lienyaanziza. Mwayekomeriza munyi aveene kwetegekera lidiku liukwitwa.