Yohana 8:52 - KITABU KITAKATIFU

⁵² Avayuda vamuvolera, “Kalunu kumanyi agiligali ndi ivi oveeye ni lidemoni! Aburahamu yakuza, kandi avaporofeti vaakuza, navuzwa ivi ovola, ‘Ku vosi ugumira amigizu gange sialakuza mba!’

Yohana 8:52 Iomraidhean Croise

Matayo 11:18

Kigira Yohana yaza, naahonga lilia, kandi si yaanwa iwaini mba, navo vavoola, ‘Aveeye ni lidemoni!’

Yohana 1:19

Yili nilio, lilolekiza lia Yohana, lwa aviimiliri va Avayuda vatuma avasaalisi na vandu va Levi kutura Jerusalemi vazie koteeva Yohana ndi “Ivi nivwaha?”

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 17:6

Mali kokora ivi, umanyekane ku avandu yavo ava wamba kutura ku avumukivala. Yava vaali avandu vovo, na ivi wamba vave avange; navo vagumiyi likuva liilio;

Yohana 7:20

Avandu yavo vaamutivulira, “ Oveeye nilidemoni! Nivwaha wenyaa kukwita?”

Yohana 8:22

Kunangwa, avanene va Avayuda veteeva, “Aliyiita mwene? Kigira ki avoora, ‘Wanzizaa munyi simunyala kuduuka yo mba?’ ”

Yohana 8:48

Avayuda vateva Yeso, “Si koveeye vulungi lwa kovora ndi ivi oveeye Musamaria, kandi oveeye nilidemoni?”

Yohana 8:51

Agiligali muvooleraa, ugumira amigizu gange sialakuza mba.”

Yohana 8:55

Munyi mukiri kumumanya, navuzwa inzi mumanyi vulahi. Niiva ndakavooye si mumanyi vulahi ndakaveeye muvehi kuli munyi. Navuzwa inzi mumanyi vulahi kandi ngumira likuva lilie.

Yohana 9:24

Kunangwa, valanga mundu waali mboku oyo haali kaviri nivavoora, “Ohe Nyasaye uvukumi. Kunyi kumanyi mundu okohonyi uyu aveeye mwoni.”

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.