Yohana 8:47 - KITABU KITAKATIFU

⁴⁷ Uyu oveeye wa Nyasaye ahuliraa amakuva ga Nyasaye. Navuzwa munyi muvura kugahulira kigira munyi simuveeye avandu va Nyasaye mba.”

Yohana 8:47 Iomraidhean Croise

Danyeli 12:10

Avandu vanyingi valakitakase kandi valakekole kuva valungi kandi vasiyiku, navuzwa vandu vachamu valakakole vuchamu, kandi sialakaveho mundu muchamu ulakamanye mba. Navuzwa vandu vageri veng'ine nivo avalimanya.

Yohana 12:48

Uyu usulaa inzi kandi siagumira makuva gange, aveeye numukalagi. Amakuva gandavoola galava umukalagi weve mu lidiku lie keheri.

Yohana 18:37

Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Yohana 5:25

Agiligali muvooleraa; ing'inga yiza, kandi imali kuduuka, lwa avakuzu valihulira mwoyo gwu Mwana wa Nyasaye, nayavo avalimuhulira, valakaduuki mu livamwoyo.

Yohana 6:65

Yameda kovora, “Yiki nicho kivuni ichagira nimuvoolera, ndi avula ho mundu unyala kuuza ku inzi Baba wange natamutovoye.”

Yohana 8:37

Manyi vulahi ndi muveeye visukululwi via Aburahamu. Kali ndio, mwenya kunzita kigira simuvugiliraa amigizu gange komenya mu munyi mba.

Yohana 8:43

Kigira ki simuhuliraa agambooraa? Kigira ki munyi si munyala kuhulira likuva liange?

Yohana 8:45

Inzi mboraa agiligali, na nicho kivuni kigira munyi muvura kusuuvira.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

2 Yohana 1:9

Umundu uvula komenya mu miigizu ga Kristo, navuzwa naavitilira mu liiva yilio, siaveeye na Nyasaye mba. Mundu uvugilira miigizu yaga aveeye na Baba kandi nu Mwana.

3 Yohana 1:11

Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.