Yohana 8:44 - KITABU KITAKATIFU

⁴⁴ Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Yohana 8:44 Iomraidhean Croise

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

1 Avami 22:22

Yahova yateeva, ‘Kuli ndi?’ Roho zana gwativula, ‘Ndazia kolomba avaporofeti va Ahabu vosi vavoole vovehi.’ Yahova yavoola, ‘Zia na umugaade. Ivi ulanyaliza ligali zia na okole ndio!’ ”

1 Kyetsinyinga 21:1

Setani yenya koleta kivi ku avandu va Isiraeli, kunangwa yazuva Daudi kuvaliza vandu.

Ayubu 1:11

Navuzwa niiva wakanyiyi mukono gugwo, nukudiviza nukuduya viosi via aveeye navio, alakonyega moni namoni.”

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Matayo 13:38

Mulimi ni kivala. Uvuguza vulahi na avandu vu Vwami vwu mwigulu. Navuzwa amavanze ni avana vu Mudamanu.

Yohana 6:70

Yeso yavavolera, “Sindaatovora munyi likomi na vaviri? Navuzwa mulala ku munyi ni Setani!”

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Yohana 8:38

Inzi mboraa aga Baba amali kumanyia, navuzwa munyi mukoraa aga vaguuga vinyu vamuvolera.”

Yohana 8:41

Munyi mukoraa aga avaguuga vinyu vaakora.” Navo vamuvolera, “Kunyi sikoveeye avana vindasimba mba! Koveeye na Baba mulala, naye ni Nyasaye.”

Yohana 8:55

Munyi mukiri kumumanya, navuzwa inzi mumanyi vulahi. Niiva ndakavooye si mumanyi vulahi ndakaveeye muvehi kuli munyi. Navuzwa inzi mumanyi vulahi kandi ngumira likuva lilie.

Vikolwa 13:10

navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

Vikolwa 24:9

Avayuda vahambana kandi kudinyiriza amayaalo yago kuva agiligali.

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.

1 Yohana 1:8

Ni kovora sikoveeye nu uvwoni, kwigaada kunyi aveene, na giligali sigaveeye mu kunyi mba.

1 Yohana 2:21

Si mung'oderaa kigira simwamanya agiligali, navuzwa kigira mwagamanya, kandi kigira mumanya ndi, sihaveeyeho no vovehi kali vulala vutura ku giligali.

1 Yohana 2:4

Oyo ovola, “Ndamanya Nyasaye” navuzwa avula kolonda amalago geege, aveeye mugaadi, kandi agiligali sigaveeye muye mba.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.

1 Yohana 3:15

Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 9:11

Ziali nu mwami wazio, engelosi wegehena. Lieta lilie mu lulimi lwa Vaheburaina liveeye Abadoni. Mu Luguriki liveeye Apolioni; liveeye kovora “Umudivizi.”