Yohana 8:37 - KITABU KITAKATIFU

³⁷ Manyi vulahi ndi muveeye visukululwi via Aburahamu. Kali ndio, mwenya kunzita kigira simuvugiliraa amigizu gange komenya mu munyi mba.

Yohana 8:37 Iomraidhean Croise

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Yohana 10:31

Maku Avayuda vaavugura amagina vamulase kandi.

Yohana 11:53

Kutura lidiku yilio, avanene va Avayuda vaali nivalohizaa kuli vanyara kwita Yeso.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Yohana 7:1

Inyima wa yaga, Yeso yaali nagendagendaa mu Galilaya. Si yenya kuzia mu kivala chi Vuyuda kigira avanene va Avayuda venya kumwita.

Yohana 7:19

Musa si yamuha Lilaga? Kali ndio sihaveeye ho kali nu mundu mulala ku munyi olondaa Lilaga. Kigira ki mwenya kunzita?”

Yohana 7:25

Valala ku avandu va Jerusalemi vavoola, “Uyu siaveeye mundu wa avanene va Avayuda venya kwita?

Yohana 8:33

Navo vativura, “Kunyi koveeye visukululwi via Aburahamu, kandi kunyi kukiri kuva avatugwa vu mundu woosi mba. Gaveeye ndi ivi ovola, ‘Mulava no vovoholore?’ ”

Yohana 8:43

Kigira ki simuhuliraa agambooraa? Kigira ki munyi si munyala kuhulira likuva liange?

Yohana 8:56

Aburahamu baba winyu yasangala kolola lidiku lie liza liange; yalilola kandi yayanza.”

Yohana 8:59

Kunangwa vadoola amagina nivenya vamulase, navuzwa Yeso yiivisa, natura mu Litembeli.

Yohana 8:6

Vavoola ndio kumugeriza, kunangwa vaduuki konyoora kindu chu kumuyalira ku. Navuzwa Yeso yinama hasi, na ng'oda mu marova ne kedete chiche.

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

Varumi 9:7

Anoho si viveeye visukululwi via Aburahamu viosi iviveeye vana vi ligali va Nyasaye mba. Nyasaye yavolera Aburahamu. “Kuvitira mu Isaka, ivi ulava ni visukululwi va ndaakusuuviriza.”

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

1 Yohana 2:14

Ng'oderaa munyi avababa, kigira mumanya Baba. Ng'odera munyi, avasoleri kigira muveeye ni zinguru, kandi likuva lia Nyasaye limenya mu munyi; kandi mumali kuguuta mudamanu.