Yohana 8:21 - KITABU KITAKATIFU

²¹ Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Yohana 8:21 Iomraidhean Croise

1 Avami 18:10

Ku Yahova oveeye mwoyo, Nyasaye woovo, nzisuha ndi mwami yavodong'ana mukivala choosi na kwenyaa mu lirova. Ing'inga yosi lwu mwamihi wi kivala yaleeta makuva ndi sioveeye mu kivala chiche, Ahabu yateevaa mwamihi oyo yisuuhi ndi ivi sionyoleki mba.

Ayubu 20:11

Vigumba vivie vizuyi zinguru zio vosooleri, navuzwa viosi vilagona mu luguchi harara naye.

Tsing'ano 11:7

Lwu mundu muchamu akuzaa, akuzaa harara ni lisuuvirizwa lilie. Lisuuvira liavikwa mu vutugi liveeye vuzwa.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Isaya 65:20

Avana vadoto si valakuza mba, anoho avandu vakulundu si valakuza ni vakikiri kuduukiza amadiku gaavo mba. Mundu woosi ukuza naveeye ni mihiga 100, alava naveeye vuzaa kuli musoleri. Navuzwa mundu woosi ukuza nakikiri kuduukiza mihiga 100, kilava kuli kilaamo kuye.

Matayo 23:39

Kutura kalunu ngovolera agiligali, si ulandola kandi kuduuka lwa ulivoola, ‘Nyasaye agaasizi uyu uzaa mu lieta liu Mwami.’ ”

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Yohana 12:33

Yavoola yaga kuvamanyia ni likuza ki lia alikuza.

Yohana 12:35

Yeso yavavolera, “Uvulavu vukikiri ni munyi ku ing'inga engekeeke. Gendi lwa mukikiri mu vulavu yivu kunangwa; kisundi kivuli kumunyoola, kigira ogendaa mu kisundi siamanyi wazizaa mba.

Yohana 13:33

“Avana vakekeeke vange, ngikiri ni munyi ku ing'inga engekeeke vuzwa, itigaaye. Mulakanyenye, navuzwa kuli ndavolera avanene va Avayuda, kalunu inzi muvooleraa kandi, ‘Uwanziza munyi simunyala kuzia yo mba!’

Yohana 7:34

Mulakanyenye, navuzwa simulakanyoole mba. Kigira aha inzi ndiva, munyi si munyala kuduuka ho mba.”

Yohana 7:36

Avoora ki lwa vola, ‘Mulakanyenye, navuzwa simulakanyoole mba, na aha ndiva munyi si munyala kuduuka ho mba?’ ”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Vafeso 2:1

Maziambiri munyi mwaali avakuzu mu Roho kigira lihiola kandi uvwoni vwinyu.