Yohana 7:7 - KITABU KITAKATIFU

⁷ Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu.

Yohana 7:7 Iomraidhean Croise

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

Zaburi 109:5

Vandungaa uvudamanu ku vulahi vwa mbakoleraa, kandi vandungaa uvudunyi mbogono vwuvuyanzi vwange vwa mbakolera.

Tsing'ano 15:12

Avandu vaveeye avelori sivayanzaa amigizu mba, kandi sivatevaa kwenya limanya kutura ku vandu vaveeye novogeri mba.

Tsing'ano 8:36

Yavo vatanyoolaa visalilizaa vene, ku woosi oveeye nu vusigu ninzi yayanza likuza.”

Isaya 29:21

Nyasaye aladiviza yavo vavehera avandi, yavo vaagirung'anyia amageri gahevwa vandu vadamanu, kandi yavo avavolaa vovehi ukwigalira avandu vasuuvirifu vavuli konyoora likalaga lirungi.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Jeremia 20:8

Lwa molomanga, nzanira ku ivi kandi mbanzukanga, “Kirage! Kandi vwoneku!” Yahova, inzi mali koleganywa kandi kokolelwa kehenyahenye vuli ing'inga kigira nandizaa likuva liilio.

Kyavalevi 13:10

umanya amuhenzelizi. Niiva haveeye ni livondo lilavu ku ligodo lilie ligirung'anyia maswa kuva malavu, kandi niliizuyi mahira,

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Luka 6:26

“O, vayaye, kilaamo keveeye ku munyi lwa avandu vosi vamwizominya, kigira nindio avaguuga vaavo vavoola vindu vilala viere ku avaporofeti vo vovehi!

Yohana 17:14

Inzi mali kuvaha likuva liilio kandi avumukivala vavadunyira kigira yavo sivaveeye avumukivala mba, kuli inzi simbeeye wumukivala mba.

Yohana 3:19

Likalagwa liene ni yili: Uvulavu vumali kuuza mu kivala, navuzwa avandu vayaanza kisundi kuvita uvulavu kigira vikolwa viavo viveeye vidamanu.

Varumi 8:7

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

Vagalatia 4:16

Kunangwa, mali kugwa musigu winyu mu limuvoolera agiligali?

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

1 Yohana 4:5

Avaporofeti vu vugadi yava vaveeye vu mu kivala; yaga vavoola agikivala, kandi avumukivala vavahulira.