5 Kali avamwavo veve sivamusuuviraa mba!
Lwa Yeso yaali nakemoloma ku viduma, henza, mama weve na avamwavo veve vaza nivasingira ichova, ni venya kovolerana naye.
Lwa avinyumba yeeye vahulira, vazia kumugumira kigira avandu vaali ni vavoola, “Yaali kulaluka.”
Navuzwa inyima wa avamwavo veve vaali nivakamara kuzia mu lisavo, Yeso naye yazia, navuzwa si yazia havulavu mba, nitali mu vwivisu.
Kunangwa avamwavo Yeso vamuvolera, “Tula hano uzie Ivuyuda, kunangwa aviigi vovo vaduuki kolola miyinzi jo okolaa.
Kigira sihaveeyeho nu mundu uvisaa iviakolaa niiva yenya amanyikane ligali na vandu. Niiva okolaa ivindu yivi wimanyie ivi umwene ku avumukivala.”
