Yohana 7:35 - KITABU KITAKATIFU

³⁵ Avanene va Avayuda vavolerana aveene naveene, “Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki?

Yohana 7:35 Iomraidhean Croise

Zaburi 147:2

Nyasaye yumbaka Jerusalemi vuhia; yiranyia avandu va Isiraeli avaari ni liadikizwa.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Zefania 3:10

Kali avandu vange avasalanywa ihale kuli Ezopia, valakaleete vihaanwa kuinzi.

Matayo 12:21

avandu vosi valakaviki lisuuvira liavo muye.”

Luka 2:32

imbiri wa avandu vosi, uvulavu kuvuula uvulariri vuvwo ku avandu vi zihiiri kandi koleta uvukumi ku avandu vovo Isiraeli.”

Yohana 12:20

Avaguriki valala avaari harara na avandu vazia Jerusalemi kusigamira Nyasaye mu ing'inga yilisavo yili.

Yohana 7:1

Inyima wa yaga, Yeso yaali nagendagendaa mu Galilaya. Si yenya kuzia mu kivala chi Vuyuda kigira avanene va Avayuda venya kumwita.

Yohana 8:22

Kunangwa, avanene va Avayuda veteeva, “Aliyiita mwene? Kigira ki avoora, ‘Wanzizaa munyi simunyala kuduuka yo mba?’ ”

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 11:20

Navuzwa vandu avasuuviraa vandi vaza, avaatura Saipurasi na Kurene, vazia Andiokia nivilwaza Ivangeri yu Mwami Yeso Kristo.

Vikolwa 14:1

Kuli kazozo, Paolo na Baranaba vingira mu lisinagogi lia Vayuda ha Ikoniamu vilwaza nu vuluviliri kuduuka kiduma kenene cha Avayuda na Vaguriki nivasuuvira.

Vikolwa 17:4

Avalala kuvo vavugilira, nivahambana na Paolo na Sila. Avanyingi ku Vaguriki vaatia Nyasaye, na avakali vanene vanyingi vigulu, vahambana navo.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 21:21

Vamala kovoolelwa amakuva googo ndi ivi wigiza Avayuda avamenya mu Zihiiri zindi valeke lilaga lia Musa, vatakeva avana vaavo, kandi vatalonda miima ja Avayuda mba.

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.

1 Petro 1:1

Inzi Petero, mutumwa wa Yeso Kristo; ng'oderaa munyi avatovole va Nyasaye, avaasalana, avamenyaa muvivala vio vogeni via Ponto, Galatia, Kapadokia, Asia, numu Bizinia.