Yohana 7:28 - KITABU KITAKATIFU

²⁸ Lwa Yeso yaali ni yigiza mu Litembeli, yahanzuka navoora, “Mwamanya inzi ligali kandi na aha nduraa? Inzi sindaaza ku vunyali vwange mwene mba. Navuzwa oyo uwanduma aveeye wi ligali. Munyi si mu mumanyi mba,

Yohana 7:28 Iomraidhean Croise

Zaburi 9:10

O, Yahova, yavo avakumanya, valakusuuvira kandi siulaleka yavo avaazaa ku ivi mba.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Jeremia 9:6

Yahova avoora vakora uvugadi vuli ing'inga; kigira uvugadi vwavo vasuura kumanyiriza inzi, Yahova avoora.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 5:4

Uvudamanu vwa avandu vamali kokoraa, vuvigaliraa kwirana ku Nyasaye wavo. Vayanzilira vifananyi ligali, na sivamanyi Yahova mba.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 2:23

Yazia komenya mu lidaala lialangwa Nazareti. Na ndio gaduukizwa makuva gavoolwa kuvitira mu vaporofeti: “Alalaangwa Munazareti.”

Matayo 26:55

Ing'inga zana yeyo, Yeso yamoloma ku Kiduma cha avandu vaza kumugumira, “Muuzi kung'umira ni vivavi ni vigurumi kuli mbeeye umunuuri? Madiku goosi ndaaveyange mu Litembeli ninzigizaa, na simwang'umira mba!

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Luka 2:11

Ku lidiku liene yili mu lidaala lia Daudi, Muhonyi winyu wivuliiywi naye ni Kristo Mwami.

Luka 2:39

Lwa Josefu na Maria vamala kokora vindu viosi ivialagwa kolondekana ni Lilaga liu Mwami, virana Galilaya mu lidaala liavo, Nazareti.

Luka 2:4

Josefu yalomba logendo kandi kutura Galilaya mu lidaala lia Nazareti. Yazia mu lidaala lia Bezelehemu lie Vuyuda. Kigira yaali uwinyumba kandi viko va Daudi.

Luka 2:51

Kunangwa yirana harara naviivuli kuduuka Nazareti, ni yegehiza kuvo. Mama weve yavika amakuva yaga goosi mu mwoyo gwigwe.

Yohana 1:46

Naye Nazanieli yateeva Filipo, “Kindu kilahi kinyala kutura Nazareti?” Filipo yamuvolera, “Hamba olole.”

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’

Yohana 12:49

Inzi simbolaa kuvunyali vwange mwene, navuzwa Baba wanduma niyie uwaamba aga ndukanaa mbore kandi molome.

Yohana 14:10

Ivi si usuviraa inzi mbeeye mu Baba na Baba aveeye mu inzi? Amakuva goosi aga mali kumuvolera sigaveeye gange mwene mba; navuzwa Baba aveeye mu inzi akolaa miyinzi jije mwene.

Yohana 14:31

Navuzwa avumukivala vaduukana kumanya ndi ndayaanza Baba, na nicho kigira ngolaa vuli kindu kuli Baba andagaa ngole. “Singiri, gendi kuzie!”

Yohana 16:3

Valamukolera yaga kigira vakikiri kumanya.

Yohana 17:25

O, Baba Mutakatifu! Avumukivala si vakumanyi mba, navuzwa inzi ngumanyi. Yava nivo avamanyi ndi ivi wanduma.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 3:2

Lidiku lilala yaza ku Yeso vudiku, namuvolera, “Rabi, kumanyi ivi oveeye mwigizi watura ku Nyasaye, kigira avulaho mundu unyala kokora vilolekizu via okolaa yivi, Nyasaye nataveeye harara naye.”

Yohana 3:33

Navuzwa mundu woosi uvugilira lilolekiza lilie umali kuviika muhuri gwi livugilira lilie ku yaga ndi, Nyasaye aveeye wiligali.

Yohana 5:32

Navuzwa aveeye ho wundi ololekizaa icha manyi ku inzi, nainzi manyi vulahi goosi agavoora ku inzi gaveeye gagiligali.

Yohana 5:43

Inzi mali kuuza nu vunyali vwa Baba wange, navuzwa munyi si mu nyingilizi mba. Navuzwa mundu wundi niyazaa ku vunyali vwivwe mwene, munyi mulamwingiriza vwangu.

Yohana 6:42

kunangwa vavoola, “Uyu siaveeye Yeso mwana wa Josefu, wa baba na mama weve va kunyi kumanyi? Anyala ndi kovora, ‘Mali kwika kutura mwigulu?’ ”

Yohana 7:14

Navuzwa lwi lisavo yilio liaduuka hagati, Yeso yazia mu Litembeli, natanga kwigiza.

Yohana 8:14

Yeso yavativulira, “Kali niiva nzelolekiza inzi mwene, lilolekiza liange liveeye lia agiligali kigira inzi manyi wandatula nu wanzizaa. Navuzwa munyi simumanyi wandatula kandi wanzizaa mba.

Yohana 8:16

Kali ningalaga, likalaga liange liveeye liagiligali kigira siaveeye inzi weng'ine ukalaga mba. Navuzwa Baba wanduma aveeye ha lala nainzi.

Yohana 8:19

Kunangwa vamuteeva, “Baba woovo aveeye hayi?” Yeso yavativulira, “Munyi si mu mananyi inzi, kandi simumanyi anoho Baba wange mba. Mulava ni mwamanya ngano mwamanya Baba wange kandi.”

Yohana 8:26

Mbeeye na amanyingi kovora ku munyi kandi amanyingi agukukalagira munyi. Navuzwa Oyo uwanduma aveeye uwiligali, kandi inzi mbolera kivala aga ndahulira kutura kuye vuzwa.”

Yohana 8:42

Yeso yavavolera, “ Nyasaye alava Baba winyu, ngano mwayinyanza, kigira ndaatula ku Nyasaye na kalunu mbeeye hano. Sindaaza ku vunyali vwange mwene, navuzwa Nyasaye yanduma.

Yohana 9:29

Kunyi kumanyi vulahi ndi Nyasaye yamoloma na Musa; navuzwa kulwu mundu uyu kali kunyi sikumanyi uwa atulaa mba.”

Vikolwa 17:23

Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 3:4

Awa! Siganyalika mba. Kuduuka Nyasaye ave wiligali kazozo kali niiva avandu vosi vaveeye vavehi. Kuli Mang'oda Matakatifu gavoora, “Gakuduukiraa ove wagiligali lwa ovola makuva googo; gakuduukiraa uguuti kiyaalo lwa uyaalwa.”

2 Vakorintho 1:18

Nzisuha mu giligali ga Nyasaye ndi, gambolaa ku munyi sigaveeye “Yee” anoho “Awa” mba.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

1 Samweli 2:12

Avayaayi va Eli vaali avadamanu ligali; sivahaana ku Yahova luyali mba,