Yohana 7:17 - KITABU KITAKATIFU

¹⁷ Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Yohana 7:17 Iomraidhean Croise

Zaburi 119:10

Ngerizaa kukutumikira nu mwoyo gwosi, unindi mburi kwibaala ku malago googo.

Zaburi 25:12

Yavo avatiizaa Yahova valiiga kutura kuye zinzira zia vaduukana valonde.

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Tsing'ano 28:5

Avandu vadamanu si vamanyi uvulungi mba, navuzwa yavo avasigamiraa Yahova vamanyiriza uvulungi vulahi.

Tsing'ano 3:32

Kigira Yahova adunyiraa vandu vakora vudamanu. Navuzwa yayisuuviriza kigira valungi veve.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Danyeli 12:10

Avandu vanyingi valakitakase kandi valakekole kuva valungi kandi vasiyiku, navuzwa vandu vachamu valakakole vuchamu, kandi sialakaveho mundu muchamu ulakamanye mba. Navuzwa vandu vageri veng'ine nivo avalimanya.

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 6:22

“Emoni eveeye kuli itaya yu muviri. Emoni yooyo neveeye inamu, umuviri gugwo gwosi gulizula uvulavu.

Luka 8:15

Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.

Yohana 3:21

Navuzwa olondaa agiligali yazaa ku vulavu, kunangwa vikolwa vivie viloleke vikoleywi mu liitia Nyasaye.

Yohana 8:43

Kigira ki simuhuliraa agambooraa? Kigira ki munyi si munyala kuhulira likuva liange?

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Yohana 8:47

Uyu oveeye wa Nyasaye ahuliraa amakuva ga Nyasaye. Navuzwa munyi muvura kugahulira kigira munyi simuveeye avandu va Nyasaye mba.”

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.