Yohana 6:68 - KITABU KITAKATIFU

⁶⁸ Simoni Petero yativura, “Mwami, kuzie ku vwaha? Ivi oveeye na makuva gahaanaa livamwoyo litahera mba.

Yohana 6:68 Iomraidhean Croise

Zaburi 73:25

Nivwaha wa inzi mbeeye naye mu ligulu nataveeye ivi? Lwa inzi mbeeye ni ivi, ni kinduki cha inzi nyenya ku lirova?

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Marko 8:29

Yavateva kandi “Na munyi muvooraa inzi nivwaha?” Petero yamutivulira, “Ivi ni Mesia.”

Luka 9:20

Yeso yavateva, “Na munyi muvooraa, inzi mbeeye vwaha?” Petero yativura, “Oveeye Kristo Mwana wa Nyasaye.”

Yohana 12:49

Inzi simbolaa kuvunyali vwange mwene, navuzwa Baba wanduma niyie uwaamba aga ndukanaa mbore kandi molome.

Yohana 12:50

Inzi manyi ndi lilago lilie liletaa livamwoyo litahera mba. Kunangwa, inzi mboraa vuzwa aga Baba yambolera mbore.”

Yohana 17:8

Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Yohana 6:63

Roho wa Nyasaye niyie uhaanaa livamwoyo, zinguru ziu mundu si zinyala kindu mba. Amakuva ga inzi mali kumuvolera nigo galetaa Roho wa Nyasaye galetaa Roho wa Nyasaye uhaanaa livamwoyo.

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

Vikolwa 4:12

Ovohonyi vulanyoleka kuvitira muye yenyine, kigira mu lirova liosi, siali ho nu mundu wundi woosi wa Nyasaye yahaana unyala kukuhonyia mba. ”

Vikolwa 5:20

“Muzie musingiri mu Litembeli muvoolere avandu amakuva goosi gi livamwoyo lihia yili.”

Vikolwa 7:38

Musa uyu niyie uwaali mu livugana lia avandu va Isiraeli mu changalangwe harara nengelosi uwavolerana naye mu Kiguru cha Sinai. Kandi yaali hala na avaguuga viitu. Niyie wahevwa amakuva ga Nyasaye gi livamwoyo ahe kunyi.

Vikolwa 8:37

Filipo yavoola, “Nu usuviraa nu mwoyo gugwo gwosi, unyala kubatizwa.” Naye yativura, “Yee, suuviyi ndi Yeso Kristo nu Mwana wa Nyasaye.”]