Yohana 6:54 - KITABU KITAKATIFU

⁵⁴ Uyu uliizaa muviri gwange nukunwa amasahi gange aveeye ni livamwoyo litahera mba, ninzi ndamusimugukiza ku lidiku lie keheri.

Yohana 6:54 Iomraidhean Croise

Zaburi 22:26

Avadaka valalia nukwiguta kuli venya; yavo avenyelerizaa Yahova valamwizominya! Nyasaye avagasize mihiga ni mihiga.

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Yohana 6:47

Muvooleraa agiligali, uyu usuviraa, aveeye ni livamwoyo litahera mba.

Yohana 6:55

Kigira muviri gwange goveeye chukulia chi ligali, na amasahi gange gaveeye chukunwa chi ligali.

Yohana 6:63

Roho wa Nyasaye niyie uhaanaa livamwoyo, zinguru ziu mundu si zinyala kindu mba. Amakuva ga inzi mali kumuvolera nigo galetaa Roho wa Nyasaye galetaa Roho wa Nyasaye uhaanaa livamwoyo.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.