Yohana 6:52 - KITABU KITAKATIFU

⁵² Maku Avayuda vatanga kuhangalizana aveene naveene nivavoora, “ Mundu uyu anyala ndi kukuha inyama yu muviri gwigwe kulie?”

Yohana 6:52 Iomraidhean Croise

Yohana 1:19

Yili nilio, lilolekiza lia Yohana, lwa aviimiliri va Avayuda vatuma avasaalisi na vandu va Levi kutura Jerusalemi vazie koteeva Yohana ndi “Ivi nivwaha?”

Yohana 10:19

Liali ho ni liavukana kandi hagati ha Avayuda kigira amakuva gene yaga.

Yohana 3:4

Nikodemo yamuteeva, “Mundu anyala ndi kwivulwa vuhia naveeye muhindira? Anyala kwingira munda mwa mama weve haali kaviri, yiivulwi kandi?”

Yohana 3:9

Nikodemo yamuteeva, “Vindu yivi vinyala kunyalika kuli ndi?”

Yohana 4:11

Mukali oyo yamuvolera, “Mwami, ivi si oveeye ni chukudahira amazi, kandi kidaho keveeye musi ligali, nonyoole hayi amazi livamwoyo yago?

Yohana 6:41

Avandu vatanga kwigana kigira yavoola ndi, “Inzi nigwo mugadi gwatura mwigulu,”

Yohana 6:60

Lwa avanyingi ku aviigi veve vahulira yaga, vavoola, “Yaga na amigizu amadinyu! Nivwaha unyala ku gahuliriza?”

Yohana 9:16

Valala ku Avafarisayo vavoola, “Mundu uyu saiaveeye uwatula ku Nyasaye mba, kigira sialindaa Lilaga lie Lisabato mba.” Navuzwa avandi vavoola, “Mundu wu vwoni anyala kokora ndi vilolekizu ku yivi?” Vaali ni liavukana hagati haavo.

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.