Yohana 6:37 - KITABU KITAKATIFU

³⁷ Vosi ava Baba ambezaa valaza ku inzi; nainzi sindakunga mundu woosi uza ku inzi mba.

Yohana 6:37 Iomraidhean Croise

Zaburi 102:17

Alavugilira lisaala lia vadaka, kandi alahuliriza ku lianira liavo.

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Isaya 41:9

Ndaamulanga kutura mu zikona zie lirova lie ihale ligali, kandi nimuleeta kutura ku keheri chi lirova, na ndamuvolera, ‘Munyi muveeye avatumikiri vange.’ Inzi si ndamusuura mba, navuzwa ndaamutovora.

Isaya 42:3

Sialavunanyia kidundu chavedeka mba, anoho sialavunanyia itaya yu ludambi imulamula mba. Alaleeta likalaga lirungi ku vandu vosi.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 17:6

Mali kokora ivi, umanyekane ku avandu yavo ava wamba kutura ku avumukivala. Yava vaali avandu vovo, na ivi wamba vave avange; navo vagumiyi likuva liilio;

Yohana 6:39

Voveeye uvulariri vwa oyo uwanduma ndi mburi kogotiza mundu kali mulala ku yavo ava yamba, navuzwa mbasimugukizi vosi ku lidiku liu kumaliriza.

Yohana 6:65

Yameda kovora, “Yiki nicho kivuni ichagira nimuvoolera, ndi avula ho mundu unyala kuuza ku inzi Baba wange natamutovoye.”

Yohana 9:34

Vaamutivulira, “Ivi wivulwa kandi nuvilukizwa mu wvoni vonene, unyala ndi kwigiza kunyi?” Maku vamukunga kutura mu lisinagogi.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.