Yohana 5:44 - KITABU KITAKATIFU

⁴⁴ Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Yohana 5:44 Iomraidhean Croise

2 Kyetsinyinga 6:8

Navuzwa Yahova yamuvolera, ‘Ivi oveeye vulungi mu lienya kwumbaka Litembeli kigira inzi,

Jeremia 13:23

Umundu mumwamu anyala kugirung'anyia ligodo lilie anoho engo inyala kugirung'anyia vodondonye vwayo? Niiva vanyara, maku munyi avakola uvudamanu munyala kwiga kokora agaveeye amalungi.

Matayo 23:5

Vakora imiyinzi jaavo josi avandu vavalore. Kigira vevoha imisibi mivambalaru ja mang'oda gi Lilaga gaveeye ku, ku vweni nu ku makono gaavo. Kandi vatambihizaa zingigiti zie zinguvu ziavo.

Luka 19:17

Mwami weve yamuvolera, ‘Mutugwa wange mulahi, okoli vulahi ligali. Kigira waali umusuuvirifu kuvikuzuzu, ndakokola ove nuvunyari ku madaala manene likomi.’

Yohana 12:43

Vayaanza lizominywa na avandu kuvita lizominywa na Nyasaye.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 3:20

Mundu woosi okola uvudamanu adunyiraa uvulavu, kandi sianyala kuuza ku vulavu mba, kigira siyenya vikolwa vivie vidamanu vimanyikane havulavu mba.

Yohana 5:41

“Lienya liange siliveeye nduuki konyoora lizominywa kutura ku avandu mba.

Yohana 8:43

Kigira ki simuhuliraa agambooraa? Kigira ki munyi si munyala kuhulira likuva liange?

Varumi 2:10

Navuzwa Nyasaye alahaana uvukumi, ilizominywa ni mirembe ku vandu vosi avakolaa vulahi; kutanga ku Vayuda, ma ku Avizihiiri.

Varumi 2:29

Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 10:18

Kigira siaveeye umundu uyu wekonyaa mwene uvugilirwa, navuzwa uyu wu Mwami mwene yekonyeraa.

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.

1 Vatesalonike 2:6

Sikwenyaa ilizominya kutura ku mundu woosi, kutura ku munyi, anoho ku vandu vandi mba. Kuli avatumwa va Kristo kwaali kunyala kumudwika musigo,

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Yakobo 2:1

Avaamitu vange, kuli avasuuviri mu Mwami wiitu Yeso Kristo, oveeye Mwami wu vukumi, mutayanzilira avandu kolondekana ku ligondo liavo mba.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

Yudasi 1:25

uyu oveeye Nyasaye yenyine Omuhonyi wiitu mu Mwami wiitu Yeso Kristo, vove kuye uvukumi, ovonene, ni zinguru nu vunyali kutura zing'inga ziosi ziavita, kandi kalunu, kandi kuduuka imihiga ni mihiga. Amini.

1 Samweli 15:30

Saolo yavoola, “Inzi mali kokora uvwoni. Navuzwa nuyanza, manyia utanzangalariza imbiri wa vimiliri va vandu vange kandi Isiraeli vosi. Yirana nainzi kunangwa nduuki kusigamira Yahova Nyasaye woovo.”

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.