Yohana 5:39 - KITABU KITAKATIFU

³⁹ Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Yohana 5:39 Iomraidhean Croise

Zaburi 1:2

Navuzwa ayaanza malago ga Yahova kandi naganagana vudiku numbasu.

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 16:11

Ivi ulamanyia inzira yi livamwoyo. Lwa oveeye himbi ninzi nzizulaa uvusangari du. Kandi ombezaa uvuyanzi mihiga ni mihiga.

Zaburi 21:4

Yaakoteeva livamwoyo, na ivi wamuha, wamuha livamwoyo lie mihiga ni mihiga.

Zaburi 36:9

Ivi uhaanaa livamwoyo litahera mba, oveeye uvutangiliru vwi livamwoyo liosi. Kigira uvulavu, vuvwo kololaa uvulavu.

Tsing'ano 6:23

Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Isaya 34:16

Mwenyelerizi mu kitabu cha Yahova ma musome icha kevoolaa. Virombe viosi viang'odwa mu kitabu yiki, kikali ni kisaza. Yahova umali kulaga yaga gave ndio; oyo mwene alavungiza virombe viosi harara.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Jeremia 8:9

Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Matayo 22:29

Yeso yavativulira, “Agiligali munyi muveeye avadamanu, kigira si mumanyi Mang'oda Matakatifu, anoho zinguru zia Nyasaye mba.

Marko 10:3

Yeso yavativulira, “Musa yahaana malago ki?”

Marko 12:10

Munyi mu kikiri kosooma Mang'oda Matakatifu yaga? ‘Ligina liavumbaki vasuura, liakolwa ligina linene liu mukoona.

Luka 16:29

“Navuzwa Aburahamu yamuvolera, ‘Avamwavo vovo vaveeye na Musa kandi avaporofeti; kuduuka vahuliri aveene yavo.’

Luka 16:31

Aburahamu yamuvolera; ‘Niiva sivalahulira Musa na avaporofeti, sivanyala kuhulira kali niiva mundu ya kasimuguki kutura mu vakuzi, azie kuvo mba.’ ”

Luka 24:25

Yeso yavavolera, “Avandu avasiru munyi, avimioyo jiveeye midinyu kusuuvira viosi via vaporofeti vavoola!

Luka 24:27

Yaatanga kuvavuulira kutangira mu vitabu via Musa nu mu mang'oda ga vaporofeti vosi kuli gang'odwa mu, kigira oyo.

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Yohana 1:45

Filipo yanyoora Nazanieli namuvolera, “Konyooye mulala wa Musa yang'oda kuye mu kitabu chi Lilaga, kandi avaporofeti vang'oda kuye. Aveeye Yeso mwana wa Josefu, wa Nazareti.”

Yohana 5:32

Navuzwa aveeye ho wundi ololekizaa icha manyi ku inzi, nainzi manyi vulahi goosi agavoora ku inzi gaveeye gagiligali.

Yohana 5:36

Navuzwa lilolekiza lia inzi mbeeye nalio liveeye linene kuvita lia Yohana. Kigira miyinzi ja Baba yamba malirizi, nijo miyinzi jimanyia ndi Baba niyie wanduma.

Yohana 5:40

Kali ndio, munyi simwenya kuuza ku inze muduuki konyoora livamwoyo mba.

Yohana 5:46

Niiva mu agiligali muva ni mwasuuvira Musa, ngano mwasuuvira inzi kandi, kigira Musa yang'oda kigira inzi.

Yohana 7:52

Navo vaamutivulira, “Vulahi, ivi kandi uturaa Galilaya? Henzeriza mu Mang'oda Matakatifu na ulalola ndi muporofeti siatulaaku mu Galilaya mba. Galilaya sialatula mu muporofeti mba.”

Vikolwa 13:27

Kigira yava avamenya Jerusalemi, na avanene vaavo, sivamuvugilira aveeye Muhonyi mba. Sivamanya kandi amakuva ga avaporofeti agasomangwa mu amasabato goosi mba. Kali ndio, vaduukiza amakuva ga avoporofeti lwa vakalagira Yeso amaduywa gi likuza.

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

Vikolwa 26:27

Mwami Aguripa, usuviraa avaporofeti? Manyi ndi usuviraa.”

Varumi 1:2

Nyasaye yalaga avandu Ivangeri kuvitira mu vaporofeti veve kuli gang'odwa kutura kale mu Mang'oda Matakatifu.

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

Kwidzulitsa 18:15

Muvogono yivwo Yahova Nyasaye winyu alamutumira muporofeti kuli inzi kutura mu vandu vinyu, na munyi kuduuka mumuhuliri.

Kwidzulitsa 18:18

Ndavatumira muporofeti kuli ivi kutura hagati ha avandu vaavo. Ndamuvolera icha avoora naye alavolera avandu vindu viosi via inzi mulaga.

Kwidzulitsa 29:29

“Vindu viaviswa viveeye via Yahova Nyasaye wiitu navuzwa viveeye havulavu viveeye vietu harara na vana viitu mihiga ni mihiga, kunanwa kuduuki kokora makuva gi lilaga lilie.

Kwidzulitsa 32:47

Amigizu yaga goosi sigaveeye agavuzwa mba; navuzwa gaveeye livamwoyo lienyu liene. Mugalonde na mulamenya madiku manyingi mu kivala engereka wumugera gwa Jorodani icha muveeye ahimbi kukivugula.”

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Vahebraina 11:35

Kuvitira mu lisuuvira avakali vavugura aviiko vaavo vakuzu nivasimugukiziwi. Avandi vasuuraa kuvugilira vovoholore, vakuzira mu lidambizwa kunangwa vaduuki konyoora lisimugukizwa mu livamwoyo lilahi ligali.

Joshua 1:8

Olole ndi kitabu chi Lilaga yiki kesomwaa kazozo mu lisigamira liilio. Okesome mbasu nuvudiku, kandi olole ndi olondaa nukugumira vindu viosi iviang'odwa mucho. Maku yaho ulava nilizizagilira imbiri ligali kandi ulagasizwa.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.