Yohana 5:38 - KITABU KITAKATIFU

³⁸ kandi simulekaa amakuva geege gamenye mu mioyo jinyu mba, kigira si musuuviraa mu uyu uwa yatuma mba.

Yohana 5:38 Iomraidhean Croise

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Isaya 26:10

Kali niiva oveeye ni zimbavasi na vandu vadamanu, sivigaa kokora uvulungi mba. Kali hano, mu kivala cha vandu valungi, vandu vakekola vuzwa uvudamanu. Vasuura kuvugilira ovonene vuvwo.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Yohana 1:11

Yaza mu kivala chiche mwene, navuzwa avandu veve sivamuvugilira mba.

Yohana 15:7

Nimumenya mu inzi na amigizu gange nigamenya mu munyi, musaale choosi cha mwenya na munyi mulahevwa.

Yohana 8:37

Manyi vulahi ndi muveeye visukululwi via Aburahamu. Kali ndio, mwenya kunzita kigira simuvugiliraa amigizu gange komenya mu munyi mba.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Joshua 1:8

Olole ndi kitabu chi Lilaga yiki kesomwaa kazozo mu lisigamira liilio. Okesome mbasu nuvudiku, kandi olole ndi olondaa nukugumira vindu viosi iviang'odwa mucho. Maku yaho ulava nilizizagilira imbiri ligali kandi ulagasizwa.

1 Yohana 2:14

Ng'oderaa munyi avababa, kigira mumanya Baba. Ng'odera munyi, avasoleri kigira muveeye ni zinguru, kandi likuva lia Nyasaye limenya mu munyi; kandi mumali kuguuta mudamanu.