Yohana 5:35 - KITABU KITAKATIFU

³⁵ Yohana yaali kuli itaya yaduuka kandi eng'ereng'anaa, na munyi ku ing'inga ngekeeke mwavugilira kusangalira uvulavu vwivwe.

Yohana 5:35 Iomraidhean Croise

2 Samweli 21:17

Navuzwa Abishai muyaayi wa Zeruya yaza kokoonya Daudi, niyingilira ugundu yigwo, kandi naagwita. Ahene yaho avasaza vi liihi va Daudi vaamwisuhira, nivavoora, “Siulazia kandi mu vulwani harara ni kunyi mba,” gase itaya ya Isiraeli ilasima.

Kutwula 34:35

kandi valora mu moni mwimwe nimung'ereng'ana; maku Musa yifumaa inguvu inzasasu mu moni mwimwe kuduuka ing'inga yindi lwa yazizaa komoloma na Yahova.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Danyeli 12:3

Avageri valakang'ereng'ane kuli vulavu vwu muvwerefu. Yavo avaliva nivigiza avandu vanyingi kokora agaveeye malungi, valakang'ereng'ane kuli zing'ereng'ani mihiga ni mihiga.”

Matayo 11:11

Agiligali muvooleraa, ku avana va vakali viivula, akikiri kuvaho oveeye umunene kuvita Yohana Mubatizi. Kali ndio, oyo oveeye umukekeke ligali mu vwami vwu mwigulu aveeye umunene kuvita Yohana.

Matayo 21:26

Na ni kovora, ‘Vwatula ku avandu,’ kutizaa kiduma cha vandu, kigira vosi vavugilira ndi Yohana yaali muporofeti.”

Marko 1:5

Avandu vanyingi vaatura mu kivala choosi chi Vuyuda nu mu lidaala linene lia Jerusalemi nivazia kuhulira aga Yohana yavoola. Viyama uvwoni vwavo kuye, naye yaavabatiza mu Mugera gwa Jorodani.

Marko 6:20

yaali ni yatia Yohana kigira yamanya aveeye umundu umulahi kandi umutakatifu. Kulwayago yamukinga vulahi. Herodi yayanza kuhuliriza aga Yohana yavoola, kali niiva yaahenda umwoyo ligali ing'inga yoosi yayamuhulirizaa.

Luka 7:28

Yeso yameda kovora, “Muvooleraa, ku avandu vosi va vakali viivula, si haali ho nu munene kuvita Yohana; navuzwa oveeye mukekeeke mu Vwami vwa Nyasaye, aviti Yohana.”

Yohana 6:66

Kigira yaga, avanyingi ku aviigi va Yeso viirana inyima ni vavura kogenda naye kandi.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.