Yohana 5:18 - KITABU KITAKATIFU

¹⁸ Livoora yili lialomba avanene va Avayuda nivakira ligali kwenya inzira ya viitira mu Yeso; kigira sigaveeye kuvunanyia vuzwa lilago lie Lisabato lieng'ine mba, navuzwa yaali kandi navooye Nyasaye aveeye Baba weve, na ndio yekolaa mwene koleng'ana na Nyasaye.

Yohana 5:18 Iomraidhean Croise

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Matayo 12:5

Anoho, simwasoma mu Lilaga ndi vuli lidiku lie Lisabato, avasaalisi mu Litembeli vonogonyia lisabato mba, navuzwa sivavalizilwa uvudamanu.

Yohana 1:19

Yili nilio, lilolekiza lia Yohana, lwa aviimiliri va Avayuda vatuma avasaalisi na vandu va Levi kutura Jerusalemi vazie koteeva Yohana ndi “Ivi nivwaha?”

Yohana 10:30

Inzi na Baba wange, koveeye kindu kilala.”

Yohana 10:33

Avayuda vaamutivulira, “Sikukulasaa amagina kigira miyinzi milahi, navuzwa kigira linyega Nyasaye. Ivi wekolaa mwene kuva Nyasaye, navuzwa oveeye mundu vuzwa.”

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 14:9

Yeso yamuvolera, “Filipo, menyi nimunyi zing'inga yizi ziosi, na ivi ukikiri kumanya? Uyu umali kolola inzi, aloli Baba. Kigira ki ovola ndi: ‘Kumanyie Baba?’

Yohana 19:7

Avayuda vaamutivulira, “Kunyi koveeye ni Lilaga, na kolondekana ni Lilaga yili, gaduukanaa akuze, kigira yekolaa mwene kuva Mwana wa Nyasaye.”

Yohana 5:15

Mundu oyo yazia, navolera avanene va Vayuda ndi Yeso niyie wamuhonyia.

Yohana 5:16

Kunangwa Avayuda vatanga kudambiza Yeso kigira yaali namali kohonyia umundu ku lidiku lie Lisabato.

Yohana 5:17

Yeso yavativulira, “Baba wange akolaa miyinzi kazozo, nainzi gaduukanaa kandi ngole miyinzi.”

Yohana 5:23

kunangwa avandu vosi vaduuki kukuminya mwana kuli mwana akuminyaa Baba. Uyu uvula kukuminya Mwana, kandi siakuminya Baba wamutuma mba.

Yohana 7:1

Inyima wa yaga, Yeso yaali nagendagendaa mu Galilaya. Si yenya kuzia mu kivala chi Vuyuda kigira avanene va Avayuda venya kumwita.

Yohana 7:19

Musa si yamuha Lilaga? Kali ndio sihaveeye ho kali nu mundu mulala ku munyi olondaa Lilaga. Kigira ki mwenya kunzita?”

Yohana 8:54

Yeso yavativulira, “Niiva inzi nzikuminyaa mwene, uvukumi vwange sivoveeye kindu. Baba wange wa munyi muvooraa ni Nyasaye winyu, niyie unguminya.

Yohana 8:58

Yeso yavavolera, “Agiligali muvooleraa, imbiri wa Aburahamu akikiri kwivulwa, inzi ndaali ho.”

Vafilipi 2:6

Yaali ni liiva lia Nyasaye vuli kazozo, navuzwa siyaganagana agerizi kutumikira zinguru kweleng'anyia na Nyasaye mba.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:3

Sihalava ho kandi ni kindu choosi ichalaamwa na Nyasaye mu lidaala linene yilio mba. Navuzwa endeve yu uvwami vwa Nyasaye ni yu Mwana wi Ligondi zilakave mu lidaala yilio kandi avatumikiri veve valakamutumikiri.