Yohana 5:17 - KITABU KITAKATIFU

¹⁷ Yeso yavativulira, “Baba wange akolaa miyinzi kazozo, nainzi gaduukanaa kandi ngole miyinzi.”

Yohana 5:17 Iomraidhean Croise

Zaburi 65:6

Ivi usingirizaa vigulu nizinguru zizio. Ivi oveeye nizinguru zinene ligali.

Isaya 40:26

Heenzi igulu mu Ligulu! Nivwaha walomba viosi viveeye mu? Ni oyo uviemiliraa kuli iliihi liu vulwani, yamanya ni vianga via yalomba, kandi yamanya lieta lia vuli kelombe! Kigira aveeye wizingulu kandi wuvunyali, sihakaveeye ho ne kelombe kali kilala ikinyala kogota mba.

Matayo 10:29

Amatondolizi gaviri sigagulwa zisiringi likomi? Navuzwa kali lilala silinyala kugwa hasi vugira vulaliri vwa Baba winyu.

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’

Yohana 14:10

Ivi si usuviraa inzi mbeeye mu Baba na Baba aveeye mu inzi? Amakuva goosi aga mali kumuvolera sigaveeye gange mwene mba; navuzwa Baba aveeye mu inzi akolaa miyinzi jije mwene.

Yohana 5:16

Kunangwa Avayuda vatanga kudambiza Yeso kigira yaali namali kohonyia umundu ku lidiku lie Lisabato.

Yohana 5:18

Livoora yili lialomba avanene va Avayuda nivakira ligali kwenya inzira ya viitira mu Yeso; kigira sigaveeye kuvunanyia vuzwa lilago lie Lisabato lieng'ine mba, navuzwa yaali kandi navooye Nyasaye aveeye Baba weve, na ndio yekolaa mwene koleng'ana na Nyasaye.

Yohana 9:4

Vukiri mbasu, gaduukanaa ngole miyinzi ja uyu uwanduma, kigira uvudiku vuzaa lwu mundu atanyala kokora miyinzi.

Vikolwa 14:17

Navuzwa siyaleka kwelolekiza mwene ku likora amalahi. Amanyia uvulahi vwivwe na amukubizira imbura kutura mwigulu, amuhezaa ligesa mu mihiga jalio, amuhezaa viukulia nu ukwizuliza uvusangari mu mioyo jinyu.”

Vikolwa 17:28

Mundu mulala yavoola, ‘Muye komenyaa kandi koveeye mwoyo, kogenda, kandi koveeye ho!’ Gaveeye kuli avalala ku vandu vinyu vavoola, ‘Kunyi koveeye avana veve.’

1 Vakorintho 12:6

Haveeye ho ni zing'ano zinyingi zio kokora miyinzi, navuzwa Nyasaye aveeye mulala uhaanaa vunyali kuavandu vosi kokora miyinzi lugano lugano.

Vakolosai 1:16

muye Nyasaye yalomba vindu viosi, viu mwigulu kandi via hasi ivilolekaa ni vitalolekaa, harara ne, zinguru zio vwami vwa roho, avanene, avamihi nu vunyali. Nyasaye yalomba ligulu liosi kuvitira muye kandi kigira ye.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.