Yohana 4:32 - KITABU KITAKATIFU

³² Navuzwa Yeso yavavolera, “Inzi mbeeye nichukulia cha munyi mutamanyi.”

Yohana 4:32 Iomraidhean Croise

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 119:103

Amigizu googo gaveeye manolu ligali - amanolu ligali kali kuvita uvwuki!

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Zaburi 63:5

Mwoyo gwange gulalia nukwiguta kuli mulala ulizaa uvuhale nizitinya mu lilia, na ndimba zinyimbu ziu vusangali mu lizominya ivi.

Tsing'ano 14:10

Vuli mundu yamanya uvuzunu voveeye mu mwoyo gwigwe, siaveeyeho nu mundu unyala kumukonya mba.

Tsing'ano 18:20

Mundu alamenya kolondekana na makuyu kutura ku makuva goosi gavoora; aligutizwa na makuva geege.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Yohana 4:31

Ing'inga yene yeyo, aviigi veve vaali nivagoonyaa Yeso; “Mwigizi, ulie chukulia.”

Yohana 4:33

Aviigi veve vateevana, “Koveeye ho nu mundu umuleteeye chukulia?”

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.