Yohana 4:24 - KITABU KITAKATIFU

²⁴ Nyasaye ni Roho, nayavo vamusigamira gavadukiraa vamusigamiri mu Roho nu mu agiligali.”

Yohana 4:24 Iomraidhean Croise

Zaburi 145:18

Yahova aveeye ahimbi ku yavo vosi avamwanira, ku yavo vosi avamwanira mu agiligali.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Zaburi 51:17

O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

Zaburi 66:18

ndava wavisa uvwoni mu mwoyo gwange, ngano Yahova si yahulira lisaala liange mba.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Yohana 4:23

Navuzwa ing'inga yiza kandi imali kuduuka, lwa vandu vasigamira; Baba mu Roho kandi mu agiligali yava nivo vandu va Baba yenya vamusigamiri.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 3:17

Kalunu “Umwami” mu luvaso yilu ni Roho na ha Roho wu Mwami aveeye, ovovoholore voveeye ho.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”