Yohana 4:23 - KITABU KITAKATIFU

²³ Navuzwa ing'inga yiza kandi imali kuduuka, lwa vandu vasigamira; Baba mu Roho kandi mu agiligali yava nivo vandu va Baba yenya vamusigamiri.

Yohana 4:23 Iomraidhean Croise

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Zaburi 147:11

Navuzwa ayanziliraa yavo avamuhezaa luyali, kandi mu yavo avasuuviraa mu vuyanzi vwivwe vwa kazozo.

Zaburi 17:1

O, Yahova, hulira ligoonya liange kigira likalaga liuvulungi! Huliriza ku lianira liange kigira ovokonyi. Huliriza ku lisaala liange lisuuvirifu!

Zaburi 32:2

Aveeye nu vugasu mundu wa Yahova avulaa kuvaliza uvuchamu kuye, kandi utaveeye nu vugadi mu mwoyo gwigwe.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Lwimbu lwa Solomoni 2:14

Ivi oveeye kuli likuulu lievisaa mu zimbangaywa zia magina. Leka ndore mumoni mumwo kandi mbuliri mwoyo gugwo; Kigira mwoyo gugwo goveeye mulahi ligali, kandi mumoni mumwo muveeye mwuvuyaanzi.

Isaya 10:20

Ing'inga yizaa lwa vandu va Isiraeli vatigara kandi avahononoka valakavuli kusuuvira ihiiri yaali himbi kuvadiviza. Valakaviki lisuuvira liavo ku Yahova, Nyasaye Mutakatifu wa Isiraeli.

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Isaya 43:21

Vaveeye avandu vandelombera umwene, kandi valimba lizominywa liange!”

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 12:23

Yeso yavavolera, “Ing'inga yu kukuminya Mwana wa Adamu iduuki!

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Yohana 16:32

Ing'inga yiza, kandi imali kuduuka, lwa munyi mwosi mulisalanywa sa mulala yengo weve, nainzi ndakatigale nzieng'ine. Navuzwa inzi simbeeye nzieng'ine mba, kigira Baba aveeye harara ninzi

Yohana 4:21

Yeso yamuvolera, “Mukali, usuuviri inzi; ing'inga yiza lwa avandu valivula kusigamira Baba mu Kiguru yiki anoho mu Jerusalemi.

Yohana 5:25

Agiligali muvooleraa; ing'inga yiza, kandi imali kuduuka, lwa avakuzu valihulira mwoyo gwu Mwana wa Nyasaye, nayavo avalimuhulira, valakaduuki mu livamwoyo.

Yohana 5:28

Mutagenya ku yaga; kigira ing'inga yiza, lwa avakuzu vosi valakahuliri mwoyo gwigwe,

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 8:15

Roho wa Nyasaye umali kuhona ku munyi siamukolaa vatugwa kandi kumukola muve nuvuti mba. Mu vogono yivwo, Roho amukolaa muve avana va Nyasaye; na kuzinguru zia Roho uyu, kwanira ku Nyasaye, “Abba, Baba” iliveeye kovora, Baba! Baba wange!

Varumi 8:26

Munzira ndala nzere Roho yazaa akokonyaa mu vodedekere vwitu, kigira sikumanyi kuli gakuduukiraa kusaala mba. Navuzwa Roho mwene akusaaliraa ku Nyasaye mu likenya lietu linene litanyala kutivulwa mu makuva ga kazozo.

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Samweli 12:24

Mutie Yahova kandi mumutumikiri nu vusuuvirifu ni mioyo gwinyu josi. Mwizurizi vindu vinene via yamukolera.