Yohana 4:22 - KITABU KITAKATIFU

²² Munyi Avasamaria musigamiraa oyo wamutamanyi ligali navuzwa kunyi kumanyi uyu wakusigamiraa, kigira ovohonyi vutura ku Avayuda.

Yohana 4:22 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Ezara 4:2

Kunangwa vazia kolola Zerubabeli navimiliri vizihiiri ma nivavoora, “Leki kusange nimunyi mu liumbaka Litembeli. Kunyi kusigamira Nyasaye mulala mwere wa munyi musigamira, kandi kunyi kuhaana visiuviliru kuye kutura ing'inga ya Esarihadoni mwami wa Asiria yakutuma komenye hano.”

Zaburi 147:19

Ahaanaa makuva geege ku vandu veve; kandi ahaanaa amigizu geege na malago geege ku vandu va Isiraeli.

Zaburi 68:20

Nyasaye wiitu aveeye Nyasaye ohonyia, aveeye Yahova, mwami wiitu, okohonyiaa kunyi kutura mu likuza.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Vikolwa 17:23

Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Vikolwa 3:26

Kunangwa, Nyasaye yatovola mutumikiri weve naamutuma kutanga ku munyi amugasizi ku likora samulala ku munyi agirung'ane kutura muzinzira zizie ziu vudamanu.”

Varumi 11:18

Kunangwa, sigamuduukira mulegelizi yavo avaatemagwa kuli zisia. Munyala kwelola kigira ki? Munyi muveeye vuzwa iziisia. Munyi simukonyaa miri mba, kigira imiri nijo jiduukanaa jimukonye.

Vahebraina 7:14

Gamanyikanaa vulahi ndi Mwami wiitu yiivulwa kutura mu ihiiri ya Yuda; kandi Musa siyavoola ku kindu choosi ku ihiiri yiyi lwa yamoloma kigira vasaalisi mba.