Yohana 4:21 - KITABU KITAKATIFU

²¹ Yeso yamuvolera, “Mukali, usuuviri inzi; ing'inga yiza lwa avandu valivula kusigamira Baba mu Kiguru yiki anoho mu Jerusalemi.

Yohana 4:21 Iomraidhean Croise

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Ezekieli 14:3

“Mwana wu Mundu, avandu yava vaviiki mioyo jaavo ku vifananyi kandi vavimilira kokora uvwoni. Vaganagana inzi ndahaana mativuli kuvo?

Ezekieli 20:3

“Mwana wu Mundu, moloma ku vimiliri va Isiraeli na uvavoolere aga inzi Yahova Wuvunyali mboraa: Munyi muuzi ku inzi kwenyeleriza vulaliri vwange? Kuli inzi mbeeye ligali Nyasaye omenya, sindavugilira munyi kondeeva kindu kali kilala mba. Inzi Mwami Munene Yahova mali kovora.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Yohana 16:32

Ing'inga yiza, kandi imali kuduuka, lwa munyi mwosi mulisalanywa sa mulala yengo weve, nainzi ndakatigale nzieng'ine. Navuzwa inzi simbeeye nzieng'ine mba, kigira Baba aveeye harara ninzi

Yohana 4:23

Navuzwa ing'inga yiza kandi imali kuduuka, lwa vandu vasigamira; Baba mu Roho kandi mu agiligali yava nivo vandu va Baba yenya vamusigamiri.

Yohana 5:25

Agiligali muvooleraa; ing'inga yiza, kandi imali kuduuka, lwa avakuzu valihulira mwoyo gwu Mwana wa Nyasaye, nayavo avalimuhulira, valakaduuki mu livamwoyo.

Yohana 5:28

Mutagenya ku yaga; kigira ing'inga yiza, lwa avakuzu vosi valakahuliri mwoyo gwigwe,

Vikolwa 6:14

Kwamuhulira navoora ndi, ‘Yeso uyu wa Nazareti giasambula Litembeli, kandi alatuliza ho imiima ja kwavugula kutura ku Musa.’ ”

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

Vafeso 3:14

Kigira yaga, sigamaa mu lisaala imbiri wa Baba,

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

Likunula 21:22

Si ndaalora kandi Litembeli mu lidaala yilio mba, kigira Litembeli lialio nu Mwami Nyasaye Wuvunyali nu Mwana wi Ligondi.