Yohana 4:20 - KITABU KITAKATIFU

²⁰ Avaguuga viitu vaasigamira Nyasaye mu kiguru yiki, navuzwa munyi muvooraa ndi gaduukanaa kusigamira Nyasaye mu Jerusalemi.”

Yohana 4:20 Iomraidhean Croise

1 Avami 9:3

Yahova yamuvolera, “Mali kuhulira lisaala liilio. Mali kutakasa Litembeli lia wumbaki yili kuli havundu ha sigamirwa mihiga ni mihiga. Ndahalinda nukuhakinga ku zing'inga ziosi.

1 Kyetsinyinga 21:26

Yumbakira Yahova vwali hene yaho kandi nahaanira ku vihaanwa viu kusambwa kandi vihaanwa vie mirembe. Yasaala, na Yahova yamutivulira natuma muliru kutura mwigulu ukusamba visiuviliru ku vwali.

1 Kyetsinyinga 22:1

Maku Daudi yavoola, “Yaaha niho ahe Litembeli lia Yahova Nyasaye lilakave. Yivu nivwo vwali aha avandu va Isiraeli vaduukana kuhaanira ku vihaanwa viukusamba.”

2 Kyetsinyinga 6:6

Navuzwa kalunu mali kotovola Jerusalemi kuva havundu hu kusigamira, na ivi Daudi, ulamiha avandu vange.’ ”

2 Kyetsinyinga 7:12

Yahova yaloleka kuye mu vudiku namuvolera, “Mali kuhulira lisaala liilio, kandi mali kotovola Litembeli yili kuli havundu hi visiuviliru vihaanwa ku inzi.

2 Kyetsinyinga 7:16

Mali kotovola nu kutakasa Litembeli yili kuli havundu ha Inzi sigamirwa mihiga ni mihiga. Ndahalinda kandi ndahakinga ku zing'inga ziosi.

Zaburi 132:13

Yahova umali kotovola Ziyoni; yenyaa kulikola live hango hehe:

Zaburi 78:68

Mu vogono yivwo, yatovola ihiiri ya Yuda, kandi natovora kiguru cha Ziyoni, havundu ha yaayanza ligali.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Luka 9:53

Navuzwa avandu vi lidaala yilio sivamwingiriza mba, kigira gamanyikanaa ndi yaali naveeye kologendo kuzia Jerusalemi.

Yohana 4:12

Ivi wekolaa kuva munene ligali kuvita baba wiitu Yakobo? Oyo yakuha kidaho yiki, harara na avana veve, nimitugu jije vanwa amazi gi kidaho yiki.”

Kwidzulitsa 11:29

Lwa Yahova Nyasaye winyu amuleeta mu kivala cha muzizaa kuvugura, gamudukira mulandizi uvugasu kutura ku Kiguru cha Gerizimu kilaamo kutura ku Kiguru cha Ebali.

Kwidzulitsa 27:12

“Inyima wu kwambuka mugera gwa Jorodani, zihiiri yizi zilasingila ku Kiguru cha Gerizimu lwu vugasu vuhaanawa ku vandu yava: Simioni Levi, Yuda, Isakari, Josefu na Benjamini.