Yohana 4:14 - KITABU KITAKATIFU

¹⁴ Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 4:14 Iomraidhean Croise

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 31:25

Inzi ndakahane zinguru kuyavo avaliva nivaluhi kandi ndakigutizi vuli mundu uliva mudedekere kigira inzara.

Ezekieli 47:9

Hoosi hu mugera gwiturukaa, zinyama ziosi ni zisuzi lugano lwosi zilakaveho. Mugera gulakakole mazi gi Inyanza yi Ijumbi kuva malengeru, kandi lwa giturukaa gulakalete livamwoyo.

Kyavalevi 11:36

Navuzwa kidaho anoho kisima cha mazi gaveeye mu kilatigala vuzwa kilahi kali niiva kindu kidiira ku miviri mikuzu javio keveeye kidamanu.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Matayo 5:6

“Vaveeye nuvugasu avaveeye ninzara kandi vuluhu vwu vulungi, kigira valigutizwa.

Yohana 10:10

Mwivi yaza vuzwa kigira ukwiva, ukwita nu kudiviza. Inzi ndaaza kunangwa amagondi gange gaduuki konyoora livamwoyo, kandi valinyoole linyingi ligali.

Yohana 11:26

kandi ku vosi, omenya nasuuvira inzi siala kuza mba. Usuuviyi yaga?”

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Yohana 4:11

Mukali oyo yamuvolera, “Mwami, ivi si oveeye ni chukudahira amazi, kandi kidaho keveeye musi ligali, nonyoole hayi amazi livamwoyo yago?

Yohana 4:13

Yeso yamutivulira, “Ku woosi unwa amazi yaga, alava nuvuluhu kandi.

Yohana 4:36

Mugesi anyoora madanyi geege, ma avungiza viamo kigira livamwoyo litahera mba, kunangwa mundu utagaa nogesaa vasangala harara.

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Yohana 6:35

Yeso yavavolera, “Inzi niye mugadi gwi livamwoyo. Uyu uza ku inzi sialiva ninzara mba. Uyu usuviraa inzi sialiva nu vuluhu mba.

Yohana 6:58

Maku, yigu nigwo mugadi gwatura mwigulu; sigoveeye mugadi gwa avaguuga vinyu valia nivakuza mba. Uyu ulia mugadi yigu alava ni livamwoyo litahera mba.”

Yohana 7:37

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa.

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

2 Vakorintho 1:22

uyu niyie umali kuviika kimanyiru chiche ku kunyi kandi okoheeye Roho Mutakatifu kuli kihambiliru chi vindu viosi via yakuviikira.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 7:16

Sivalilola inzara kandi mba. Kandi sivaliva nu uvuluhu mba. Iliuva sililavasaamba anoho uluuya Iwosi mba.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”